ننکانہ صاحب(محمد قمرعبا س)ڈکیتی کے ملزمان نے مقدمہ درج کروانے والے نوجوان کی ٹانگیں توڑ ڈالیں ،حولات میں بند ملزم کی خود کشی کی کوشش ، ملزمان سے اسلحہ برآمد ۔تفصیلات کے مطابق دو ماہ قبل ننکانہ کے رہائشی محمد اقبال کی درخواست پر بد نام زمانہ رسہ گیرو ڈکیت گروہ محمد آصف سارنگ ، محمد عمران المعروف (رنگسی کھرل ) جوکہ دیگر ڈکیتی کے مقدمات میں پولیس کو مطلو ب تھے محمد اقبال نے اپنی بھینس چھیننے کی درخواست پولیس تھانہ صدر ننکانہ کو انہی ملزمان کے خلاف دی اس رنجش پر ملزمان نے اپنے چار ساتھیوں کے ہمراہ کھیتوں میں کام کرتے ہوئے محمداقبال کی بندوقوں اور سوٹوں سے ٹانگ توڑ ڈالی SHOوجہیہ الحسن شاہ نے مخبر کی اطلا ع پر ایک ہفتہ قبل ان ملزمان کو گرفتار کرکے جسمانی ریمانڈ حاصل کر لیا تین روز قبل ملزمان نے جسمانی ریمانڈ کے دوران تفتیش سے بچنے کے لیے حوالات کے جنگلے سے ٹکریں مار مار کر خود کو شدید زخمی کر ڈالا جس پر پولیس نے ملزمان کے خلاف خود کشی کی کوشش کا مقدمہ درج کرلیا گزشتہ روز تفتیشی انسپکٹر مطلوب احمد نے ملزم آصف کی نشاندہی پر اسکے ڈیرے سے ناجائز رائفل 7mm اور دیگر ملزمان سے واردات میں استعمال ہونے والے ڈنڈے برآمد کر کے علیحدہ مقدمات درج کرلیے۔
