سرائے عالمگیر (نمائندہ خصوصی ) نائب صدرپاکستان تحریک انصاف یوتھ ونگ تحصیل سرائے عالمگیر شیخ سعد الیاس نے صحافیوں سے خصوصی گفتگو کر تے ہو ئے کہا کہ حکمرانوں کو عوام کی بہتری سے مطلب نہیں بلکہ میاں برادران اپنے خوابوں کی تکمیل یعنی جاتی امر کو شاہی محل اور لاہور کو دارلحکومت بنانے کی کوششوں میں مصروف ہیں ترقیاتی کاموں کو دیکھا جائے تو حکومت دوسرے علاقوں کو بھول کر صرف لاہور پر توجہ کیے ہوئے ہیں انھیں یاد ہی نہیں کہ لاہور کے علاوہ دوسرے تمام علاقوں میں بنیادی سہولیات عوام کا حق اور فراہمی حکومت کا فرض ہے سڑکیں اور پلوں کی تعمیر سے غریب فائدہ نہیں نہ ہی بڑے منصوبوں سے عوام کو کچھ ملنے والاہے جبکہ موجودہ بلدیاتی الیکشن میں اصول اور قانون کی اُلٹ پلٹ جس میں قابلیت کی بنیاد پر بننے والے عوامی نمائندوں کی بجائے ذاتی غلام نماممبران کو آگے لانے کی کوششیں بھی بادشاہی یاوڈیراشاہی نظام کی نشاندہی کررہی ہیں تاکہ کوئی بولنے والا نہ رہے لیکن حکمران یاد رکھیں قائد تحریک عمران خان کے چاہنے والے ایسی کسی کوشش کو کامیاب نہیں ہونے دینگے نہ ہی زیادہ دیر کھیل جاری رہے کا ہم پی ٹی آئی کے پلیٹ فارم سے عوام کے حق کامطالبہ کرتے ہیں حکمران زیادہ نہیں تو الیکشن سے پہلے کیے وعدے ہی پورے کردیں۔
