دبئی………سیمی فائنل کا درجہ رکھنے والے پاکستان سپر لیگ کےایک اور اہم میچ میں اسلام آباد یونائیٹڈ نے پشاور زلمی کو باآسانی شکست دے کر پی ایس ایل فائنل کے لئے کوالیفائی کر لیا۔ اسلام آباد یونائیٹڈ نے پشاور زلمی کو 50 رنز سے شکست دی، اب اسلام آبادیونائیٹڈاورکوئٹہ گلیڈی ایٹرز 23 فروری کو پی ایس ایل فائنل کھیلیں گے۔
اسلام آباد یونائیٹڈ نے پہلے بیٹنگ کرتے ہوئے پشاور زلمی کو میچ جیتنے کےلئے177رنز کا ہدف دیا،جس میں شرجیل خان کے جارحانہ117رنز بھی شامل ہیں۔ڈو اور ڈائی مقابلے میں پشاور زلمی نے ٹاس جیت کر اسلام آباد یونائیٹڈ کو بیٹنگ کی دعوت دی تاہم شاہد خان آفریدی کا یہ فیصلہ زیادہ اچھا ثابت نہیں ہوا اورانہیں پہلی وکٹ 108رنز کے مجموعے پر ملی جب اسمتھ19رنز بنا کرآئوٹ ہوئے۔اسلام آباد یونائیٹڈ کی اننگ کی خاص بات شرجیل خان کی جارحانہ117رنزکی اننگ تھی، پہلے انہوں نے 50گیندوںپرسنچری بنائی جس میں11چوکے اور7بلندو بالا چھکے شامل تھے،جبکہ انہوں نے مجموعی طور پراننگ میں 8چھکے اور12چوکے لگائے،شرجیل نے اپنی سنچری پشاور زلمی کے کپتان لالہ شاہد آفریدی کی گیندپر چھکا لگاکر مکمل کی۔پشاور زلمی کی جانب سے شان ٹیٹ نے 35رنز دیکر2وکٹیں حاصل کیں۔پاکستان کا پہلا اسپورٹس ۔
