لالہ موسیٰ(جمیل احمدطاہر)جماعت اسلامی کے راہنماء وسابق امیدوارکونسلرحاجی عبدالعزیزگورسی نے کہاہے کہ وفاقی پارلیمانی سیکرٹری دفاع وممبرقومی اسمبلی چوہدری جعفراقبال کو میں نے ایک خط کے ذریعے اپنی وارڈ کے مسائل بجلی کے پولزاور تاروں،سیوریج پائپ ڈالنے ،اور راستے لا مسئلہ سے آگاہ کیاتھا،جس کا ایم این اے جعفراقبال کی طرف سے مجھے جواب بھی ملاتھا،الحمدوللہ انہوں نے میرے بتائےگئے مسائل مین سے بجلی کا دیرینہ مسئلہ حل کردیاہے جس پر میں انکادلی مشکورہوں اور توقع رکھتاہوں کہ باقی دومسائل بھی وہ جلدحل کردیں گے ،انہوں نے کہاکہ میری وارڈسابق ایم این اے ،ایم پی اے ،وزراء کی آبائی یونین کونسل بھی کہلاتی ہے لیکن افسوس اتنے بڑے عہدوں،اختیارات کے باوجودہمارے علاقے کو ہمیشہ محروم رکھاگیاہے ،چوہدری جعفراقبال ایم این اے نے ہمارے علاقہ کے مسائل کے حل کیلئے جو پہلی پیشرفت کی ہے اس سے ثابت ہوتاہے کہ میری وارڈ کی محرومیاں اب جلدختم ہوجائیں گے ،اوراس علاقے کو لوگوں کو بنیادی سہولتیں مل جائیں گی۔
