ممبئی …….سنندا پشکر کی موت سے متعلق تفتیش کیلئے ششی تھرور کی پولیس اسٹیشن میں ایک بار پھر حاضری ،پولیس نے پانچ گھنٹے تک سوالات پوچھے ۔ دلی پولیس کو اس کیس کی چار شیٹ رواں ماہ کے اختتام سے قبل مکمل کرنی ہے۔
سنندا پشکر کی موت کا معمہ اب تک حل نہ ہوسکا،اسپیشل انویسٹی گیشن ٹیم نے سنندا پشکر کے شوہر ششی کو ایک بار پھر پوچھ گچھ کیلئے اسٹیشن بلا لیا،تفتیش کا سلسلہ پانچ گھنٹے تک جاری رہا۔پولیس نے سنندا کی موت سے ایک دن قبل ہوئے جھگڑے اور سنندا کے زیر استعمال دواؤں کے بارے میں ششی تھرور سے سوالات کئے گئے۔تھرور کا کہنا تھا کہ سنندا کی موت زیادہ مقدار میں دوائیں کھانے سے ہوئی ، کچھ دن قبل دلی پولیس کمشنر نے سنندا کی موت کو غیر طبعی قرار دیا تھا۔ جبکہ ایف بی آئی کی لیب رپورٹ کے مطابق سنندا موت زہر دینے سے ہوئی تھی۔
