آکلینڈ……نیوزی لینڈ نے ورلڈ ٹی20 کے لیے اسکواڈ کا اعلان کردیا، کیوی اسکواڈ میں 3 اسپنرز کو شامل کیا گیا ہے۔
کیوی کوچ مائیک ہیسن کا کہنا ہے کہ بھارتی سرزمین پر اسپنرز مددگار ثابت ہوں گے اس لیے تین مختلف اسپنرز ٹیم میں شامل کیے گئے ہیں۔اسکواڈ میں کپتان کین ویلیم سن، مارٹن گپٹل، راس ٹیلر، ہینری نکولز، گرانٹ ایلیٹ، کوری اینڈرسن، کولن مونرو، وکٹ کیپر لیوک رانکی ، نیتھن مک کلم، اِش سودی، مچل سینٹنر شامل ہیں۔پاکستان کے خلاف سیریز سے باہر ٹم ساؤدی اور انور علی کی گیند پر زخمی ہونے والے مچل میکلے نیگن کی ٹیم میں واپسی ہوئی ہے۔نیوزی لینڈ ورلڈ ٹی20 میں پاکستان، بھارت اور آسٹریلیا کے گروپ میں شامل ہے۔ پاکستان اور نیوزی لینڈ کا مقابلہ22 مارچ کو موہالی میں ہوگا۔
