بیجنگ……..چینی وزیر خارجہ لندن میں شام کے لئے منعقد ہونے والی ڈونر کانفرنس میں شرکت کریں گے ۔چینی وزارت خارجہ کی ترجمان ہوا چننگ نے جمعرات کو معمول کی پریس بریفنگ میں بتایا کہ شام کے حوالے سے لندن میں ایک ڈونرز کانفرنس 4فروری کو منعقد ہوگی جس میں وزارت خارجہ وانگ ژی چین کی نمائندگی کریں گے ۔
وانگ ژی شام کے انسانی بحران اور اس کے سیاسی حل کے لئے چین کی جانب سے تجاویز پیش کریں گے جس سے شامی پناہ گزینوں کی مشکلات کو کم کرنے میں مدد ملے گی ، چین کو امید کو ہے کہ اس کانفرنس سے عالمی برادری کی توجہ شامی پناہ گزینوں پر مرکوز کرانے میں مدد ملے گی اور بے گھر شامی لوگوں کے مسئلہ کو حل کرنے کے لئے کوششیں تیز کی جائیں گے ۔انہوںنے کہا کہ چین اقوام متحدہ کی جانب سے شام کے سیاسی مسئلے کے حل کے لئے کی جانے والی کاوشوں کی حمایت کرتا ہے جس سے شامی پناہ گزینوں کے مسئلہ کو بھی ختم کرنے میں مدد ملے گی ۔چینی وزیر خارجہ کانفرنس میں شرکت سے قبل افریقی ممالک ملاوی ،ماریشیس، موزم بیق اور نمبیا کا بھی سرکاری دورہ کریں گے جہاں وہ دوطرفہ امور کے حوالے سے افریقی حکام کے ساتھ ملاقاتیں کریں گے ۔
