بھارتی علاقے سے تعلق رکھنے والا یہ جوڑا انگلینڈ کے شہر بریڈ فورڈ میں رہتا ہے ۔ شوہر کرم کی عمر 110 برس اوراس کی بیوی کرتاری چند کی عمر 103 برس ہے ۔
بریڈ فورڈ ( نیٹ سپیشل ) عالمی میڈیا کے مطابق دونوں نے آج سے 90 برس قبل گیارہ دسمبر 1925 میں پنجاب میں ایک روایتی انداز میں اس وقت شادی کی ، جب ہندوستان پر برطانوی راج تھا ۔ اس وقت کرم کی عمر بیس برس اور کرتاری تیرہ سال کی تھی ۔ شادی کے چالیس برس بعد 1965 میں وہ دونوں انگلینڈ منتقل ہو گئے تھے اور پھر وہیں کے ہو کر رہ گئے تھے ۔ اس جوڑے کے آٹھ بچے ہیں ، جب کہ بچوں کے بچوں کی تعداد 27 اور ان سے آگے بچوں کی تعداد 23 ہے ۔ اس وقت یہ دونوں اپنے سب سے چھوٹے بچے پال کے ساتھ رہ رہے ہیں ۔ پال کا کہنا ہے کہ اس کے والدین کی اتنی لمبی رفاقت کا سبب یہ ہے کہ وہ دونوں آپس میں جھگڑتے نہیں ، اور نہ ہی بحث کرتے ہیں ۔ کرم اور کرتاری چند کا کہنا ہے کہ اتنی لمبی عمر پانا ، ان کے لئے قدرت کی خاص عنایت ہے ۔ یاد رہے کہ کچھ عرصہ پہلے ایک امریکی جوڑے نے اپنی برتھ ڈ ے کی سنچری اور شادی کی 76 ویں ، انوکھی سالگرہ منائی تھی ۔
