سعودی عرب: منشیات اسمگلنگ کے جرم میں پاکستانی شہری کا سر قلم

حکام کے مطابق ملک میں منشیات اسمگلنگ کے جرم میں سزائے موت پانے والے غیر ملکیوں کی تعداد 150 ہو گئی ہے۔
ریاض: (یس اُردو) غیر ملکی خبررساں ادارے کے مطابق سعودی عرب میں منشیات اسمگلنگ کرنے کے جرم میں پاکستانی شہری خان اقبال کا سر قلم کر دیا گیا ہے۔ سعودی وزارت داخلہ کے مطابق خان اقبال پیٹ میں منشیات چھپا کر اسمگلنگ کرتے ہوئے پکڑا گیا تھا جس پر اس کو موت کی سزا دی گئی تھی۔ سعودی حکام کے مطابق ملک میں منشیات اسمگلنگ کے جرم میں سزائے موت پانے والے غیر ملکیوں کی تعداد 150 ہو گئی ہے۔