پیرس (صاحبزادہ عتیق الرحمن سے) فرانس کی ممتاز کاروباری، سیاسی و سماجی شخصیت تحریک انصاف فرانس کے سینئیر راہنما ممبر ایگزیکٹو کونسل چوہدری گلزار احمد لنگڑیال کی طرف سے تحریک انصاف پاکستان منڈی بہاؤالدین کے سینئر رہنما قمر عباس بوسال اورسینئر رہنما تحریک انصاف برطانیہ حسن چودھری کے اعزاز میں عشائیہ دیا۔ کمیونٹی راہنماؤں اور تحریک انصاف کے عہدیداروں کی شرکت۔ عشائیے سے خطاب کرتے ہوئے میزبان چوہدری گلزار احمد لنگڑیال نے کہا کہ تحریک انصاف کو اوورسیز لوگوں نے بنایا ہےاور اوورسیز پاکستانی پاکستان اور تحریک انصاف کا سرمایہ ہیں۔
قائد اعظم محمد علی جناح ،ڈاکٹر علامہ اقبال اور چوھدری رحمت علی نے بیرون ملک رہ کر پاکستان کے لئے کام کیا۔ انہوں نے مزید کہا کہ تحریک انصاف نے نئے پاکستان کا جو خواب دیکھا ہے انشاءاللہ جلد ہم اسکی تعبیر دیکھیں گےاور بہت جلد پاکستان ایک مضبوط مستحکم اقتصادی قوت بن کر ابھرے گا۔
انہوں نے کہا کہ عمران خان اپنے کارکنوں کے خیالات اور اچھی باتوں کو کبھی نہیں ٹالتے۔۔ انہوں نے کہا کہ تحریک انصاف آزاد کشمیر میں بھی ایک بھر پورطاقت بن کر ابھرے گی انہوں نے کہا کہ کہ تحریک انصاف فرانس کا ایک وفد ممتاز کشمیری راہنما زاہد ہاشمی کی قیادت میں آزاد کشمیر جارہا ہے اور بیرسٹر سلطان محمود کی الیکشن کمپئین میں بھرپور حصہ لے گا۔ انہوں نےکہا کہ سینٹ کے انتخابات میں خرید و فروخت کا بازار لگانے والوں کی سخت مذمت کرتے ہیں۔
چوہدری گلزار لنگڑیال نے یاسرقدیر کو پاکستان کے کامیاب دورہ پر مبارکباد دی ۔۔ عشائیے سے قمر عباس بوسال، حسن چودھری ، سینئیر نائب صدر راجہ محمد عجب اور سینئیر راہنما یاسر قدیر نے بھی خطاب کیا ۔ عشائیے میں نائب صدر تحریک انصاف فرانس اصغر برہان،جنرل سیکرٹری رانا عمران عارف،سینئر رہنما چودھری منور جٹ،،مشتاق خان جدون ، راجہ محمد عجب،زاہد ہاشمی، چوہدری سہیل بھدر، عبدالستار چودھری، مظہر گوندل ,سید ظریف شاہ، راؤ عامر سمیت دیگر مہمانوں نے بھی شرکت کی۔
