فرانس میں موسمِ گرما کی شدت ایک بار پھر بڑھ رہی ہے۔ موسمیاتی ادارے میٹیو فرانس نے ملک کے سات محکموں میں اتوار کو متوقع شدید گرمی کے پیش نظر اورنج (نارنجی) الرٹ جاری کیا ہے۔
کن علاقوں میں الرٹ جاری کیا گیا؟
میتھیو فرانس کے مطابق 5 ستمبر بروز ہفتہ سے ڈروم، آرڈیش، گارڈ، ووکلوز، ایرو، اوڈ اور پیرینیس-اورینٹلز میں گرمی کی لہر کا الرٹ نافذ ہوگا۔ ان میں سے ووکلوز کے علاوہ تمام محکموں میں جمعہ کی سہ پہر 4 بجے سے ہی الرٹ لاگو کر دیا گیا ہے۔
درجہ حرارت کتنا رہنے کی توقع ہے؟
موسمیاتی ادارے نے اسے “انتہائی شدید گرمی” کا نیا دور قرار دیا ہے۔ لانگڈاک خطے میں جمعہ کی سہ پہر کے بعد مقامی سطح پر درجہ حرارت 39 ڈگری سینٹی گریڈ تک پہنچ سکتا ہے، جبکہ جنوب مغرب اور وادی رون میں 35 سے 38 ڈگری سینٹی گریڈ ریکارڈ کیا جا سکتا ہے۔
ادارے نے خبردار کیا ہے کہ “کچھ مقامات پر ماہانہ درجہ حرارت کے ریکارڈ ٹوٹنے کا امکان ہے۔” یہ صورتحال موسمیاتی تبدیلی کے بڑھتے ہوئے اثرات کی عکاسی کرتی ہے جو یورپ کو شدید گرمی کی لہروں کی زد میں لا رہی ہے۔
رات کا درجہ حرارت بھی بلند رہے گا
جمعہ سے ہفتہ کی درمیانی رات بحیرہ روم کے ساحلی علاقوں میں خاص طور پر گرم رہنے کی پیش گوئی کی گئی ہے، جہاں کم سے کم درجہ حرارت 19 سے 23 ڈگری سینٹی گریڈ کے درمیان رہ سکتا ہے۔ دیگر علاقوں میں یہ عموماً 20 ڈگری سے کم رہے گا۔
مزید تفصیلات سامنے آ رہی ہیں۔
