پاکستان سپر لیگ (پی ایس ایل) کا گیارہواں سیزن 2026 شائقین کے بغیر 26 مارچ سے منعقد ہو رہا ہے،جبکہ افتتاحی تقریب کو منسوخ کردی ئی ہے جس کا پہلا میچ 26 مارچ 2026 کو لاہور قلندرز اور نئی ٹیم حیدرآباد کنگزمین کے درمیان شائقین کے بغیر قذافی سٹیڈیم لاہور میں شیڈول ہےاس سیزن میں آٹھ ٹیمیں حصہ لے رہی ہیں، جن میں دو نئی ٹیمیں حیدرآباد کنگزمین اور راولپنڈیز شامل کی گئی ہیں۔ابتدائی طور پر میچز چار شہر لاہور، کراچی، راولپنڈی اور ملتان میں شیڈول تھے، تاہم تمام میچز لاہور اور کراچی میں کرانے کا فیصلہ کیا گیا ہے آسٹریلیا کے مایہ ناز بلے باز اسٹیو اسمتھ پہلی بار پی ایس ایل کا حصہ بننے کے لیے پاکستان روانہ ہو چکے ہیں۔ جنوبی افریقہ کے ریزا ہینڈرکس بھی کراچی کنگز کے اسکواڈ میں شامل ہوئے ہیں۔
چیئرمین پاکستان کرکٹ بورڈ محسن نقوی کا کہنا ہے کہ پی ایس ایل کے انعقاد سے متعلق مشاورت جاری تھی اور فیصلہ کیا ہے کہ لیگ شیڈول کے مطابق 26 مارچ سے شروع ہوگی۔ پی ایس ایل ایک انٹرنیشنل برانڈ ہے جس میں غیر ملکی کھلاڑی بھی شامل ہیں، اس لیے ایونٹ کو ملتوی کرنا ممکن نہیں تھا کیونکہ آگے کوئی ونڈو دستیاب نہیں۔ وزیراعظم اورسیکورٹی اداروں سے مشاورت ہوئی،خطے کی صورت حال بہترہونے تک کراؤڈ کو اجازت نہیں ہوگی,سیکورٹی کا کوئی ایشو نہیں ہے ،ہمارے ادارے الرٹ ہیں،ہمیں اپنی ایجنسیز پر پورا یقین ہے،ایجنسیز نے کئی چیزوں کو ہونے سے پہلے ہی روک دیا۔
لاہور میں پریس کانفرنس کرتے ہوئے چیئرمین پی سی بی نے کہا کہ پی ایس ایل کے میچز صرف دو شہروں کراچی اور لاہور میں کرانے کا فیصلہ کیا گیا ہے اور اس حوالے سے نیا شیڈول دیں گے جس میں ٹیموں کی موومنٹ کم سےکم ہوگی افتتاحی تقریب کو منسوخ کردیاہے، اخراجات زیادہ نہیں ہوں گے جبکہ فرنچائزز کو گیٹ منی پاکستان کرکٹ بورڈ ادا کرے گا۔ موجودہ صورتحال میں میچز بغیر شائقین کے کرانے کا فیصلہ کیا گیا ہے، فینز ٹکٹ کے پیسے واپس لے سکیں گے،فینز سے معذرت خواہ ہیں
ابتدائی میچوں کا شیڈول (مارچ 2026):
تاریخ مقابلہ مقام وقت (PKT)
26 مارچ لاہور قلندرز بمقابلہ حیدرآباد کنگزمین قذافی سٹیڈیم، لاہور رات 8:00 بجے
27 مارچ کوئٹہ گلیڈی ایٹرز بمقابلہ کراچی کنگز قذافی سٹیڈیم، لاہور رات 8:00 بجے
28 مارچ پشاور زلمی بمقابلہ راولپنڈیز عمران خان سٹیڈیم دوپہر 2:30 بجے
28 مارچ ملتان سلطانز بمقابلہ اسلام آباد یونائیٹڈ قذافی سٹیڈیم، لاہور رات 8:00 بجے،
29 مارچ کوئٹہ گلیڈی ایٹرز بمقابلہ حیدرآباد کنگزمین قذافی سٹیڈیم، لاہور دوپہر 2:30 بجے،
29 مارچ لاہور قلندرز بمقابلہ کراچی کنگز قذافی سٹیڈیم، لاہور رات 8:00 بجے شیڈول ہےعلاوہ ازیں ورلڈ کرکٹرز ایسوسی ایشن نے ورلڈ لیگز کی رینکنگ جاری کر دی ہےجس کے مطابق پہلے نمبرپر انگلینڈ کی دی ہنڈرڈ جبکہ ساؤتھ افریقہ کی ایس اے ٹی ٹوئنٹی دوسرے نمبر پر ہے۔ ٹاپ 10 لیگز میں آئی پی ایل کو رینکنگ میں تیسرے نمبر پر رکھا گیا ہے۔ اس کے علاوہ رینکنگ میں بی بی ایل 62.5 کے ساتھ چوتھے اور پاکستان سپر لیگ(پی ایس ایل) 48 پوائنٹس کے ساتھ پانچویں نمبر پر ہے۔ چھٹے پر ایم ایل سی ساتویں پر آئی ایل ٹی ٹوئنٹی آٹھویں پر سی پی ایل نویں پر ابوظہبی ٹی 10 اور دسویں نمبر پر بی پی ایل ہے۔
