جرنلسٹ پینل کی کامیاب انتخابی مہم, مختلف میڈیا گروپس مکمل حمایت کا اعلان
اسلام آباد (اصغر علی مبارک)نیشنل پریس کلب نیشنل پریس کلب اسلام آباد کے سالانہ انتخابات 12 مارچ 2026 کو منعقد ہونے جا رہے ہیں۔ اس وقت اسلام آباد اور راولپنڈی کے صحافی برادری اور مختلف میڈیا گروپس نے جرنلسٹ پینل کی حمایت کا اعلان کر دیاہے اس وقت پریس کلب میں انتخابی مہم عروج پر ہے جرنلسٹ پینل: اس پینل کی قیادت نیر علی (امیدوار برائے صدر)، خالد محمود (امیدوار برائے سیکرٹری) اور عابد عباسی (امیدوار برائے سیکرٹری فنانس) کر رہے ہیں۔
نیشنل پریس کلب اسلام آباد سالانہ انتخابات; دنیا نیوز، 92 نیوز، نوائے وقت، خبریں، نیوزون,پاکستان پریس ایجنسی پی پی اے، ڈیلی میل انٹرنیشنل نے جرنلسٹ پینل کی حمایت کا اعلان کیاہے ،گزشتہ ایک سال خدمت کا یہ سفر انتہائی دشوار اور صبر آزما تھا نیر علی امیدوار برائے صدرنے کہا ہے کہ این پی سی نے گذشتہ ایک سال کے دوران ملک بھر میں صحافیوں پر ہونے والے حملوں اور مقدمات کے حوالے سے موثر آواز بلند کی، صحافیوں پر مقدمات کا اندراج ہو یا تشدد کے واقعات یا سوشل میڈیا پر صحافیوں خصوصا خواتین کی ٹرولنگ اور حراسانی کی کوشش، نیشنل پریس کلب نے ہر محاذ پر اپنے ممبران کا بھرپور دفاع کیا ہے اور آئندہ بھی کرتا رہے گا، مشکل حالات میں ہم نے ہمت نے حوصلہ نہیں ہارا ،تنخواہوںکی عدم ادائیگی ،بےروزگاری، مالی مشکلات کا شکار ممبران اور ان کی فیملیز کی فلاح و بہبود کے لیے ان کی عزت نفس کو مجروح کیے بغیر ان کی مالی مدد کی گئی،
رمضان فیسٹیول کے دوران مختلف مقابلوں میں شرکت کرنے والے ممبران اور ان کی فیملیز کو پرکشش انعامات اور عید گفٹ دئیے گئے، اس سال بھی رمضان فیسیول اور عید فیملی گالابھرپور انداز میں منانے کی تیاریاں جاری ہیں، پاکستان کی میڈیا انڈسٹری اپنی تاریخ کے مشکل ترین دور سے گزر رہی ہے،آئے روز بڑھتی ہوئی مہنگائی نےجہاں عام آدمی کو شدید متاثر کیا ہے وہیں میڈیا ہاؤسز کی جانب سےصحافیوں کی جبری برطرفیاں، تنخواہوں میں تاخیر اور عدم ادائیگی جیسے اقدامات نےکارکن صحافیوں اور ورکرز کو شدید پریشانی میں مبتلا کر رکھاہے۔ہم اپنے ساتھیوں کیلئے اس سے کہیں زیادہ کرنا چاہتے تھے جتنا ہم کر پائے ہیں، مختلف میڈیا گروپس نے انتخابی مہم میں صدر سے لے کر گورننگ باڈی تک جرنلسٹ پینل کی مکمل حمایت کا اعلان کیاہے
