پیرس، تحریک انصاف فرانس کے سینئر نائب صدر شیخ نعمت اللہ کے زیرصدارت ٹیلی فونک اجلاس میں کرونا وائرس کے ہنگامی حالات سے نمٹنے کیلئے کمیونٹی کیلئے امدادی کارروائیوں کا اعلان
پیرس؍اسلام آباد (ایس ایم حسنین) پاکستان تحریک انصاف فرانس کی الیکٹڈ باڈی کا ٹیلی فونک اجلاس مورخہ 18 مارچ کو زیر صدارت شیخ نعمت اللہ منعقد ہوا۔ جس میں کرونا وائرس سے فرانس میں پیدا شدہ صورتحال کے پاکستانی کمیونٹی پہ اثرات پر غور کیا گیا ۔
اجلاس میں اس بات کا اعادہ کیا گیا کہ وزیراعظم عمران خان کی ہدایات کے عین مطابق پاکستان تحریک انصاف فرانس ،کمیونٹی کی مدد اور تعاون کے لیے ہر وقت حاضر خدمت ہے ۔
کمیونٹی سے درخواست ہے کہ فرانس میں کرونا وائرس کی وبا سے بگڑتی ہوئی صورتحال کی وجہ سے حکومت فرانس کی طرف سے دی گئی ہدایات پہ پوری طرح عمل کریں ۔
اپنے آپ کو گھروں تک محدود رکھیں۔
کسی بھی قسم کی معلومات اور تعاون کے لیے پی ٹی آئی ،فرانس کی فرانس میں موجود باڈی سے رابطہ کر سکتے ہیں ۔
دعا ہے کہ اللہ تعالی ہم سب کو اپنی پناہ اور امان میں رکھے اور صحت اور تندرستی عطا فرمائے – آمین۔
