الریاض (امتیاز احمد نمائندہ خصوصی )قرآن انڈرسٹینڈنگ پروگرام سعودی عرب کے زیر اہتمام سالانہ تقسیم اسناد کی تقریب کا انعقاد کیا گیا جس میں دیار غیر میں موجود مسلم کمیونٹی کی بڑی تعداد مے شرکت کی۔ تقریب میں قرآن اور نماز کو سمجھ کر پڑھنے کی اہمیت پر زور دیا گیا اور حاضرین کو آئندہ ہونیوالے پروگرام کے بارے میں تفصیل سے بتایا گیا۔
تقریب سے پروفیسر ڈاکٹر عبدالعزیز نے خطاب کرتے ہوۓ کہا کہ قرآن ایک مکمل ضابطہ حیات ہے اور اس میں زندگی کے تمام امور کا حل موجود ہے لہذا اس کو سیکھنے اور سمجھنے کی اشد ضرورت ہے، آئیے قرآن سیکھیئے پروگرام انشاءاللہ تمام امت مسلمہ کو ایک پلیٹ فارم پر اکٹھا کرنے میں اہم کردار ادا کرے گا۔ قرآن انڈرسٹینڈنگ کورس کے منتظم اعلی تنویر احمد خان نے قرآن پاک کی آسان اور صحیح تعلیمات کو موجودہ نسل تک پہنچانے پر زور دیا تاکہ ہماری آئندہ نسلیں بھی قرآن کریم کی تعلیم سے آراستہ ہو سکیں، ان کا مذید کہنا تھا کہ قرآن پاک کی تعلیمات سے مسلمان صحیح کامیابیاں حاصل کر سکتے ہیں اس لیے قرآن کی تعلیمات کو سیکھنا اور سمجھنا بہت ضروری ہے۔
