لاہور( مانیٹرنگ ڈیسک) پاکستان کی نامور اداکارہ میرا جی نے اپنے شوہر کیپٹن نوید پرویز سے طلاق لے لی ہے۔ تفصیلات کے مطابق شوبز ذرائع کا کہنا ہے کہ میرا نے اپنے شوہر سے علیحدگی لے لی ہے اور انہوں نے اس بات کی تصدیق بھی کر دی ہے، تاہم ابھی تک میرا کی جانب سے
اس کا باقاعدہ اعلان نہیں کیا گیا، ذرائع کا کہنا ہے کہ میرا اور انکے شوہر کیپٹن نوید پرویز کے درمیان کافی دنوں سے اختلافات چل رہے تھے۔
خیال رہے کہ ادکارہ میرا اپنے شوہر کیپٹن نوید پرویز اپنی فلم باجی کی پرموشن کے دوران بیرون ملک میں دیکھی گئیں جبکہ ان تصاویر کو دیکھ کر یہ نہیں لگتا تھا کہ دونوں کے درمیان کسی قسم کے اختلافات ہیں،
لیکن کہتے ہیں نہ شوبز کی دنیا دیکھنے میں کچھ اور جبکہ حقیقت میں کچھ اور ہہی دکھائی دیتی ہے، اس حوالے سے ذرائع کا کہنا ہے کہ دونوں میاں بیوی کے درمیان اختلافات اس حد تک بڑھ گئے کہ دونوں نے ہی علیحدگی کا فیصلہ کر لیا تھا ۔
