اسلام آباد (ویب ڈیسک) وفاقی وزیر برائے ریلوے شیخ رشید احمد کا کہنا ہے کہ انشاءاللّٰہ مولانا جا رہا ہے اور حکومت اپنے 5 سال پورے کرے گی ۔
آزادی مارچ سے متعلق اپنے ایک تازہ ویڈیو بیان میں شیخ رشید نے جے یو آئی (ف) کے سربراہ مولانا فضل الرحمٰن اوراپوزیشن کے آزادی مارچ پر تنقید کرتے ہوئے کہا ہے کہ پچھلے 4 روز میں جمہوریت کی آڑ میں کنٹینر پر جو پاکستان کے خلاف زبان استعمال کی گئی ہے وہ کسی صورت میں بھی پاکستان کے مفاد میں نہیں ہے۔ انہوں نے کہا کہ ہندوستان یہی چاہتا ہے کہ پاکستا ن کے عسکری اداروں پر تنقید ہو اور پاکستان کے ریاستی ادارے کمزور ہوں، کشمیر کا مسئلہ پس پشت پر چلا جائے، شیخ رشید نے حکومت کی تعریف کرتے ہوئے کہا کہ مجھے بہت خوشی ہے کہ موجودہ حکومت نے عمران خان کی حکومت نے بڑی دانشمندی اور عقلمندی سے اس مسئلے کو سنبھالا ہے۔ انہوں نے مزید کہا کہ انشاءاللّٰہ مولانا جا رہا ہے اور اسلام آباد پر سکون ہوگا، ایک دو روز میں یہ سارے مسئلے حل ہو جائیں گے ۔ شیخ رشید نے کہا کہ سیاسی پارٹیاں سیاسی طریقوں سے اپنا حق منواتی ہیں نا کہ محمود اچکزئی جیسے لوگوں کو ساتھ رکھ کر ایسا تاثر دینا چاہتی ہیں جیسے ملک کے خلاف کوئی انتشار اور خلفشار کا ماحول ہو ۔ اپنے وڈیو بیان میں شیخ رشید کا کہنا تھا کہ کنٹینر میں 4 روز سے استعمال کی گئی زبان کسی صورت میں بھی پاکستان کے مفاد میں نہیں، بھارت چاہتا ہے پاکستان کے عسکری اداروں پر تنقید ہواور کشمیر کا مسئلہ پس پشت چلا جائے، محمود اچکزئی جیسے لوگوں کا ساتھ رکھ کر ملک کے خلاف انتشار کا تاثر نہیں دینا چاہیے۔ شیخ رشید نے کہا کہ سیاسی جماعتیں سیاسی طریقے سے باتیں منواتی ہیں، خوشی ہے حکومت نے دھرنے کا معاملہ دانش مندی سے ہینڈل کیا، مولانا فضل الرحمان جارہے ہیں، ان کے مسئلے ایک 2روز میں حل ہوجائیں گے، اسلام آباد پرسکون ہوگا، حکومت پانچ سال پورے کرے گی۔
