پیرس،اوورسیز یونٹی فرانس کے نائب صدر عبدالرحمٰن تارڑ کا وزیراعظم عمران خان کی 67ویں سالگرہ پر منعقدہ پروقار تقریب میں مرکزی راہنمائوں کے ہمراہ شرکت اور وزیراعظم پاکستان اور ان کے اہلخانہ اور تمام دوستوں کو دلی مبارکباد کا پیغام
پیرس؍اسلام آباد(ایس ایم حسنین)نائب صدر اوورسیز یونٹی فرانس عبدالرحمن تارڑ نے وزیراعظم پاکستان عمران خان کی 67ویں سالگرہ پر دوستوں کے ہمراہ سالگرہ تقریب میں شرکت اور دلی مبارکباد کا پیغام۔ انہوں نے کہا کہ وزیراعظم پاکستان کی جدوجہداور ویژن ملک کے نوجوانوں اور ہرطبقہ کیلئے قابل رشک اور قابل فخر ہے۔
انہوں نے کہا کہ ان کی سالگرہ پر ان کے اہلخانہ اور تمام وفادار ساتھیوں کو دلی مبارکباد پیش کرتے ہیں اللہ تعالیٰ ریاست پاکستان کو صحیح معنوں میں اسلامی فلاحی ریاست بنانے میں وزیراعظم پاکستان کی مدد فرمائیں ۔ اللہ تعالیٰ انھیں اسی طرح توانائیوں سے بھرپور عمردراز عطا فرمائیں اور وہ اپنی شخصیت کی طرح ملک کے ہر نوجوان، ہربچے، مائوں بہنوں اوربیٹوں ، بزرگوں کو بھی بھرپور زندگی کی طرف لانے کے اپنے نیک مقصد میں کامیاب وکامران ہوں ۔
انہوں نے سالگرہ کی پروقار تقریب سے خطاب کرتے ہوئے کہا کہ امت مسلمہ کے روشن ستارہ عظیم لیڈروزیراعظم عمران خان ملک کو غربت اورعالمی استعمار کے خونی پنجوں سے نکال کر عالمی سطح پر عظیم ملکوں کی فہرست میں کھڑا کرنے کا آغاز کرچکے ہیں اور انشااللہ وہ اپنے مقصد میں سرخرو ہونگے۔
