’’ یہ مولانا کیوں ایک سیاسی پارٹی بنتے جارہے ہیں؟ انکو بالکل زیب نہیں دیتا کہ ۔۔۔۔‘‘ مولانا طارق جمیل کے عمران خان کے حق میں بیانات، حناء پرویز بٹ نے ایسی بات کہہ دی کہ پورا ملک دنگ رہ گیا

لاہور( مانیٹرنگ ڈیسک) عمران خان کی اقوام متحدہ میں کی جانے والی تقریر کے بعد پاکستان کے علماء کا بیشتر طبقہ وزیر اعظم پاکستان کے حق میں بیان دے چکا ہے، علماء کے بڑے بڑے نام وزیر اعظم عمران خان کو پاکستان کے بہترین وزیر اعظم اور امت مسلمہ کا لیڈر قرار دے چکے ہیں،

انہیں میں سے ایک مولانا طارق جمیل کا نام بھی ہے جنہوں نے کینیڈا میں خاب کے دوران وزیر اعظم عمران خان کے حق میں بیان دیا، مولانا طارق جمیل کا ایک اور بیان سوشل میڈیا پر گردش کر رہا ہے جس میں انہوں نے کہا کہ ’’ پہلے ٹیکس عوام اس لیے نہیں دیتی تھی کہ حکومت کے کچھ کارندے عوام کا پیسہ کھا جاتی تھی۔ لیکن اب عمران خان کے آنے سے کچھ امید لگی ہے ، آپ سب سے درخواست ہے کہ آپ عمران خان کے حق میں دعا کریں کے اللہ تعالیٰ انکی مدد فرمائے، وہ ایک عظیم لیڈر کی شکل میں ہمیں ملے ہیں، 70،72 سال کا بگاڑ کوئی چھو منتر سے تو ٹھیک ہونا نہیں ہے، اس میں ٹائم لگے گا‘‘۔

https://twitter.com/FarwaRose/status/1181201679854772230

مولانا طارق جمیل کا وزیر اعظم عمران خان کے حق میں بیان سوشل میڈیا پر تیزی سے وائرل ہورہا ہے۔ مولانا طارق جمیل کے اس بیان پر لیگی رہنماء حنا پرویز بٹ بھی میدان میں آگئی اور ناقابلِ یقین رد عمل دے ڈالا ہے۔ اپنے بیان میں لیگی رہنماء حنا پرویز بٹ کا کہنا ہے کہ ’’ یہ مولانا کیوں سیاسی پارٹی بنتے جا رہے ہیں؟؟ ان کو بالکل زیب نہیں دیتا کہ ایک نا اہل اور یوٹرن شخص کا دن رات دفاع کریں۔۔ملکی تاریخ میں اتنا بگاڑ پیدا نہیں ہوا جتنا پچھلے13مہینوں میں پیدا ہوا۔لوگوں کو روزگار کے لالے پڑے ہیں یہاں ان کا دفاع ہو رہا ہے‘‘۔