اسلام آباد( مانیٹرنگ ڈیسک) سینئر صحافی جنید سلیم کا کہنا ہے کہ عمران خان کی 7 بجے سے 3 بجے تک دس اہم ملاقاتیں ہوئیں، اگر اتنی ملاقاتیں نواز شریف کی ہوئی ہویں تو انکی تو پرچیاں ہی مکس ہوجانی تھیں کہ کونسی کہاں پڑنی ہے۔تفصیلات کے مطابق مشن کشمیر، اس وقت عمران
خان پر پوری دنیا کی نظریں جمی ہوئی ہیں کہ پاکستانی وزیر اعظم کس طرح کشمیر کا مقدمہ عالم اقوام کے سامنے رکھتے ہیں، کیا عمران خان کامیاب ہوپائیں گے؟ عمران خان بھی امریکہ پہنچ کر آرام کرنے کی بجائے فل فارم میں دکھائی دے رہے ، کبھی امریکن تھنک ٹینک سے گفتگو، کبھی وزراء اعظم و صدور سے تو کبھی وزرائے خارجہ سے ملاقاتیں ، کبھی عالمی ادارو ں کے سربراہوں سے ملاقاتیں ، عمران خان ہر جگہ پر مسئلہ کشمیر کا اجاگر کرنے میں سرگرم ہیں، اور پوری دنیا کو یہ باور کرانے کی کوشش کر رہے ہیں کہ اس وقت دو ایٹمی طاقتیں جنگ کے دہانے پر کھڑی ہیں، ایک شخص کے پاگل پن کی وجہ سے نہ صرف برصغیر بلکہ پوری دنیا کا امن تباہ ہوسکتا ہےاس لیے عالمی برادری کو اس میں کردار ادا کرنا چاہیئے، کل وزیر اعظم عمران خان نے ایک ہی دن میں امریکن تھنک ٹینک کے ساتھ خصوصی نشست کی اس کے بعد امریکا،برطانیہ اٹلی،ترکی ایران اور سوئٹزرلینڈ کے صدور/وزرائے اعظم سے ملاقاتیں وزیراعظم نے دنیا کے سامنے کشمیر کا مقدمہ پیش کیا۔ اس کے علاوہ وزیر اعظم عمران خان ورلڈ بینک کے صدر سے بھی ملاقات کی، وزیراعظم عمران خان نے صدر سوئس فیڈریشن سے بھی ملاقات کی۔ وزیر اعظم نے کہاعلاقائی امن و سلامتی کے لیے مسئلہ کشمیر کا حل ناگزیر ہے، دونوں رہنماؤں نے سیاست، تجارت، معیشت و دیگرشعبوں میں تعاون بڑھانے پراتفاق کیا۔ وزیراعظم عمران خان اور صدر عالمی بینک ڈیوڈ مال پاس کے ساتھ بھی ملاقات ہوئی۔ اسی حوالے سے رد عمل دیتے ہوئے سینئر صحافی جنید سلیم نے کہا کہ ’’ عمران خان کی 7 بجے سے 3 بجے تک دس اہم ملاقاتیں ہوئیں، اگر اتنی ملاقاتیں نواز شریف کی ہوئی ہویں تو انکی تو پرچیاں ہی مکس ہوجانی تھیں کہ کونسی کہاں پڑنی ہے ، منقول ‘‘۔
