لاہور: قومی کرکٹ ٹیم کے سابق کپتان وسیم اکرم آج اپنی 53ویں سالگرہ منا رہے ہیں۔
انٹرنیشنل کرکٹ کونسل (آئی سی سی) کی جانب سے انہیں نیک تمناؤں کے پیغامات بھیجے گئے پاکستان کرکٹ بورڈ کی جانب سے بھی فاسٹ باؤلر کو سالگرہ کی مبارکباد دی گئی۔ کمنٹری اور کوچنگ سے وابستہ سابق کپتان کو اُن کی اہلیہ نے بھی ٹوئٹر پر سالگرہ کی مبارکباد دی اور نیک خواہشات کا اظہار کیا۔ سماجی رابطے کی ویب سائٹ ٹوئٹر پر فاسٹ باؤلر کی اہلیہ شنیرا اکرم نے وسیم اکرم کو مبارک باد کے پیغام میں قومی کرکٹ ٹیم کے لئے بھی نیک خواہشات کا اظہار کرتے ہوئے لکھا کہوہ امید کرتی ہیں کہ پاکستان انگلینڈ کے خلاف میچ میں فتح حاصل حاصل کرے گا۔ قومی کرکٹر احمد شہزاد نے بھی وسیم اکرم کو ٹوئٹر پر سالگرہ کی مبارکباد دی۔ بھارتی کرکٹر ہربجن سنگھ نے بھی وسیم اکرم کو سالگرہ کی مبارکباد دی۔ عمر اکمل نے بھی فاسٹ باؤلر کو سالگرہ مبارک کہا۔ سوشل میڈیا پر وسیم اکرم کے مداحو ں کی جانب سے انہیں مبارکباد دی جارہی ہے اور نیک خواہشات کا اظہار کیا جارہا ہے۔ وسیم اکرم 3 جون 1966ء کو لاہور میں پیدا ہوئے۔ انہوں نے گورنمنٹ اسلامیہ کالج لاہور سے تعلیم مکمل کی. وہ بائیں ہاتھ سے باؤلنگ کرنیو الے دنیا کے بہترین باؤلر مانے جاتے ہیں۔کرکٹ میں اچانک انٹری ڈالنے والے وسیم اکرم کا کیریئر کا آغاز دبنگ رہا
104 ٹیسٹ میچز میں 414 وکٹس حاصل کیں،انہوں نے کُل 356 ون ڈے کھیلےجس میں انہو ں نے 502شکار کئے۔وسیم اکرم ون ڈے کرکٹ میچز میں سب سے زیادہ وکٹیں حاصل کرنے والے کھلاڑی ہیں ۔وہ ورلڈکپ 2003 میں وکٹوں کی پانچویں سنچری مکمل کرنے والے دنیا کے پہلے بولر بنے، 1992 کے ورلڈکپ فائنل میں وسیم اکرم ہی کی باؤلنگ کی بدولت پاکستان ٹائٹل اپنے نام کروا سکا ۔ورلڈکپ 2003 میں 4 مارچ کو بارش کی نذر ہونے والے میچ کے بعد کرکٹ کی دنیا میں 19برس تک شاندار کارکردگی کا مظاہرہ کرنے کے بعد وہ ریٹائرڈ ہو گئے۔وسیم اکرم ان دنوں ملکی و غیر ملکی سپورٹس چینلز پر کمنٹیٹر کے فرائض سر انجام دے رہے ہیں۔
