لاہور ( ویب ڈیسک ) نجی ٹی وی چینل کے پروگرام میں بات کرتے ہوئے معروف صحافی و تجزیہ کار ہارون رشید نے کہا کہ عمران خان نے جب دھرنا دینا تھا تو میں ان کے پاس گیا اور ان سے کہا کہ خان صاحب کرکٹ کا میچ لوگ گھر میں ٹی وی پر بیٹھ کر دیکھتے ہیں ، پانچ لاکھ لوگ کہاں سے جمع ہوں گے ؟ جس پر انہوں نے مجھے کہا کہ میں تمہیں پانچ لاکھ لوگ اکٹھا کر کے دکھاؤں گا۔ جیسے کہتے تھے کہ ہم ٹیکس لے کر دکھائیں گے۔ کوئی ان سے پوچھے کہ آپ ٹیکس کیسے لیں گے۔ ایف بی آر ٹیکس اکٹھا کرنے میں ناکام ہو گیا ہے، ہارون رشید نے کہاکہ خان صاحب کے انداز فکر میں مجھے برگزیدگی نظر آتی ہے۔ بڑا آدمی ہمیشہ وہ ہوتا ہے جو اصولوں سے کبھی انحراف نہیں کرتا اور اپنے اصولوں پر ڈٹا رہتا ہے۔ ہارون رشید نے کہا کہ وزیراعظم عمران خان نے اپنے مشیروں کا بھی صحیح انتخاب نہیں کیا۔ ایک گروپ ہے جو عمران خان پر مسلط ہے۔ اگر عمران خان اصولوں کے اتنے ہی علمبردار ہیں تو جہانگیر ترین ،جو بلاشبہ وہ بہت لائق آدمی ہیں، لیکن سپریم کورٹ نے ان کو نا اہل کیا ، پارٹی کے الیکشن میں بھی جہانگیر ترین نے دھاندلی کی، جہانگیر ترین نے اپنے ذاتی ملازمین کے نام پر کاروبار کیا ، پھر بھی عمران خان نے ان کو ساتھ بٹھایا ہوا ہے۔ انہوں نے کہا کہ پنجاب میں ایک ایسا وزیراعلیٰ لگا دیا جو کام نہیں کررہا اس بات پر بھی سمجھوتہ ہو چکا ہے کہ وزیراعلیٰ پنجاب کو ہٹا دیا جائے گا چاہے یہ لوگ لاکھ تردید کر لیں، اب یہ لوگ ایک نیا نظام لانے کی کوشش کر رہے ہیں۔جہانگیر ترین ارکان اسمبلی سے ملاقاتیں کی جا رہی ہیں اور ان کی خواہش ہے کہ گورنر پنجاب کو تبدیل کر دیا جائے۔ میری اطلاعات کے مطابق اسحاق خاکوانی کا نام بھی زیر غور ہے۔ میں نے اسحاق خاکوانی سے بات کی تو انہوں نے اس بات کی تردید نہیں کی۔ وزیراعلیٰ پنجاب کی تعیناتی کے وقت میں نے ایک وفاقی وزیر سے اس فیصلے کی وجہ پوچھی تو انہوں نے کہا کہ پنجاب کا وزیراعلیٰ بہت طاقتور ہو جاتا ہے ، میری سمجھ سے باہر ہے کہ ان کی کیا سوچ ہے اور ایسی سوچ آخر کار کیوں ہے۔ جب تک یہ لوگ اپنی سوچ میں تبدیلی کر کے لانگ ٹرم پلاننگ نہیں کریں گے تب تک کوئی تبدیلی نہیں آسکتی۔
معروف صحافی ہارون رشید کا تہلکہ خیز انکشاف
