بہاولپور: سیالکوٹ اور لاہور کے بعد بہاولپور کے نوجوان پر بھی ایک امریکہ حسینہ دل ہار بیٹھی، لیکن یہ نوجوان کوئی عام نہیں بلکہ بلائنڈ کرکٹر مجیب الرحمٰن ہیں جنہوں نے امریکی حسینہ کو اپنا دیوانہ بنا لیا، اور امریکہ حسینہ نے پاکستان آکر اسلام قبول کرتے ہوئے مجیب الرحمٰن سے نکاح کر لیا۔
تفصیلات کے مطابق بہاولپور کے علاقہ سٹاف کالونی کے رہائشی اور قومی بلائنڈ کرکٹ ٹیم کے پلیئر مجیب الرحمٰن کی برٹنی منٹگمری نامی امریکہ دوشیزہ سے 2 سال قبل فیس بک پر دوستی ہوئی، یہ دوستی آہستہ آپستہ محبت میں تبدیل ہوتی گئی، برٹنی منٹگمری نے دو سال قبل ہی مجیب الرحمٰن کی خاطر اسلام قبول کر لیا تھا۔ اور وہ اس سال بدھ کے روز بہاولپور آئیں اور سٹاف کالونی میں نکاح کی تقریب کا انعقاد کیا گیا۔
یہاں پر یہ امر بھی قابل ذکر ہے کہ برٹنی منٹگمری اور مجیب الرحمٰن دونوں ہی جزوی طور پر بلائنڈ ہیں اور مجیب الرحمٰن قومی کرٹ ٹیم کا حصہ ہیں۔ شادی کے پر مسرت موقع پر مجیب الرحمن کے موقع پر ان کے گھر والے بھی اس شادی سے بہت خوش تھے اور انہوں نے اپنی غیر ملکی بہو کو پاکستان آنے پر دل کی اتھا گہرائیوں سے ویلکم کیا ہے۔جبکہ مجیب الرحمٰن کے ساتھی کھلاڑیوں کی جانب سے بھی دونوں کے لیے نیک تمناؤں کا اظہار کرتے ہوئے مبارکباد کے پیغام بھجوائے گئے ہیں۔
