کراچی: عمران خان کی تبدیلی نے سارے ملک کو اپنی لپیٹ میں لے لیا ہے ۔ کپتان نے ایک سکول ٹیچر کی بیٹی کو مخصوص نشست پر رُکن اسمبلی منتخب کر کے ملک میں نئی تاریخ رقم کردی ہے۔
تفصیلات کے مطابق سندھ اسمبلی میں پی ٹی آئی کی بھٹو نے دھوم مچا دی ہے ۔ مخصوص نشستوں پر منتخب ہونے والی دعا بھٹو ایک سکول ٹیچر کی بیٹی ہیں اور پی ٹی آئی کی جانب سے انہیں رُکن اسمبلی منتخب کیا گیا ہے۔ سندھ اسمبلی میں حلف اُٹھانے کے بعد میڈیا سے گفتگو کرتے ہوئے دعا بھٹو کا کہنا تھا کہ الحمد اللہ ، اللہ کا جتنا شکر ادا کروں کم ہے، عمران خان نے لاڑکانہ کی اصلی بھٹو کو ٹکٹ دے کر پورے ملک میں مثال قائم کی ہے میں کسی بھی سندھ کے وڈیرے یا جاگیر دار کی بیٹی نہیں ہوں بلکہ ایک سکول ٹیچر کی بیٹی ہوں ۔میں اس موقع پر اپنے والد کا شکریہ ادا کرتی ہوں جنہوں نے مجھے اس قابل بنایا ہے اور ساتھ ہی میں عمران خان کا بھی شکریہ ادا کرنا چاہتی ہوں جنہوں نے مجھ پر بھروسہ کرتے ہوئے مجھے ٹکٹ جاری کیا اور یہاں تک پہنچنے میں میری مدد کی۔ دعا بھٹو نے اس عزم کا اعائدہ کیا کہ وہ اپنے لیڈر عمران خان کے ویژن پر چلتے ہوئے سندھ سے کرپشن ختم کرنے کے لیے اپنا کردار ادا کریں گی جبکہ سندھ کی بیٹیوں کو لٹیروں اور جنگلی لوگوں سے نجات دلا کر ہی دم لیں گی ۔ جو کہ اب سندھ کی اصلی بھٹو یعنی دعا بھٹو سندھیوں کو کرپشن زدہ نظام سے نجات دلا کر ہی سانسن لے گی ۔
