counter easy hit

’’ آپ کے مطلوبہ نمبر سے جواب موصول نہیں ہو رہا ۔۔۔‘‘ یہ آواز آپ تقریباً دن میں کئی دفعہ سنتے ہیں مگر ۔۔۔

"You are not receiving the answer from your desired number ..." This sound you hear about almost a couple of times, but ...

اسلام آباد (نیوز ڈیسک) آج کل موبائل فون کا استعمال عام ہے۔ موبائل فون سے ایک دوسرے کو کال کرتے ہوئے ہمیں ہمیشہ ایک آواز سنائی دیتی ہے۔ جس میں کہا جاتا ہے کہ آپ کا بیلنس اس کال کے لیے ناکافی ہے، آپ کا مطلوبہ نمبر اس وقت مصروف ہے یا پھر آپ کو مطلوبہ صارف اس وقت دوسری کال پر موجود ہے۔ اس آواز کو ہم اکثر و بیشتر بلکہ روزانہ کی بنیاد پر سنتے ہیں لیکن یہ آواز کس خاتون کی ہے ہم ان سے ناواقف ہیں۔تاہم حال ہی میں سوشل میڈیا پر ایک ویڈیو وائرل ہوئی جو دراصل اُن خاتون کی ہے جن کی آواز ہم اپنے موبائل فون پر سنتے ہیں۔ یہ آواز دراصل ایف ایم 105 پر موجود آر جے فرحین ملک کی ہے۔

حال ہی میں دئے گئے ایک انٹرویو میں فرحین نے انکشاف کیا کہ جب لوگ فون پر یہ آواز سنتے ہیں کہ ان کا مطلوبہ نمبر مصروف ہے تو یہ آواز میری ہی ہے۔آر جے فرحین نے اس ویڈیو انٹرویو میں بتایا کہ وہ صرف موبائل فون پر ہی نہیں بلکہ ڈراموں کے لیے پس پردہ وائس اوورز بھی کرتی ہیں۔ وہ اس معاملے میں نجی ٹی وی چینل سے بھی منسلک ہیں۔ انہوں نے بتایا کہ لوگ جہاں بھی کال کرتے ہیں چاہے کے الیکٹرک ہو، پی ٹی سی ایل ہو یا پی آئی اے، کال نہ ملنے پر لوگوں کو میری ہی آواز سنائی دیتی ہے۔ سوشل میڈیا پر صارفین فرحین کی آواز سن کر خاصے حیران ہیں، جبکہ اس بات پر خوشی کا اظہار بھی کررہے ہیں کہ انہیں معلوم ہوگیا کہ آخر کار یہ آواز کس کی ہے۔اس حوالے سے آر جے فرحین کی ایک ویڈیو بھی سوشل میڈیا پر وائرل ہو گئی جسے زیادہ سے زیادہ شئیر کیا جا رہا ہے۔ سوشل میڈیا صارفین کا کہنا ہے کہ بالآخر ہمیں اس آواز کے پیچھے موجود خاتون کو دیکھنے کا موقع مل ہی گیا اور ہمیں پتہ چل گیا کہ آخر یہ آواز کس کی ہے جسے ہم روز اپنے فون پر سنتے ہیں۔

About MH Kazmi

Journalism is not something we are earning, it is the treasure that we have to save for our generations. Strong believer of constructive role of Journalism in future world.

Connect

Follow on Twitter Connect on Facebook View all Posts Visit Website