counter easy hit

لوٹی دولت اور حکمرانوں کے اثاثے بے نقاب کرنے کیلیے ویب سائٹ بنائیں گے؛ سراج الحق

 لاہور:  امیر جماعت اسلامی سراج الحق نے عمرہ اور سنت اعتکاف کی ادائیگی کے بعد پاکستان واپسی پر جامع مسجد منصورہ میں جمعہ کے اجتماع سے خطاب میں سید صلاح الدین کو دہشت گرد قرار دیئے جانے کی شدید مذمت کی اور اس اعلان کو مسترد کردیا۔

Will create a website to expose looted wealth and rule assets; Saraj ul Haq

Will create a website to expose looted wealth and rule assets; Saraj ul Haq

سراج الحق نے کہا ہے کہ ٹرمپ کے ظالمانہ فیصلے کیخلاف 9 جولائی کو امریکی سفارتخانے کی طرف احتجاجی مارچ کرینگے، جے آئی ٹی فیصلے کے بعد بیرونی بنکوں میں موجود ملکی دولت پاکستان لائیں گے، کرپٹ حکمرانوں نے قومی دولت لوٹ کر بیرون ملک انبارلگا لیے ہیں، لوٹی گئی دولت اور موجودہ و سابقہ حکمرانوں کے اثاثوں کو بے نقاب کرنے کیلیے جماعت اسلامی ویب سائٹ بنائے گی، کرپشن اور کرپٹ حکمرانوں کو ان کے منطقی انجام تک پہنچانے کیلیے عوام ہمارا ساتھ دیں۔

امیر جماعت اسلامی نے کہا کہ سب سے بڑا دہشت گرد خود امریکا ہے جو بھارت اور اسرائیل کی سرپرستی کررہا ہے، امریکا کشمیر کی تحریک آزادی کو ختم کرنے کیلیے کھل کر سامنے آگیا ہے۔ دنیا کی استعماری اور سامراجی قوتوں نے اسلامی تحریکوں کو ہدف بنا رکھا ہے۔ انھوں نے کہا کہ ٹرمپ نے محض مودی کی خوشنودی کیلیے حریت پسند سید صلاح الدین کو دہشت گرد قرار دیا ہے، ہماری خارجہ پالیسی پہلے دن سے امریکی مفادات کے گرد گھومتی رہی ہے، حکمران امریکی ڈکٹیشن پر فیصلے کرتے ہیں، اپنی مظلوم قوم کی آزادی کیلیے لڑنے والا سید صلاح الدین کروڑوں پاکستانیوں کا ہیرو ہے۔

 سراج الحق نے کہا کہ لندن، پاناما ،دبئی اور سوئس بنکوں میں موجود اربوں ڈالر کسی غریب کے نہیں بلکہ باریاں بدل بدل کر حکمران بننے والوں کے ہیں، ملک سے لوٹی گئی دولت کا کھوج لگانے اور اسے بے نقاب کرکے پاکستان لانے کے لیے جماعت اسلامی نے خصوصی سیل قائم کردیا ہے اور بہت جلد ایک ویب سائٹ بنائی جائیگی تاکہ اندورون و بیرون ملک پاکستانی چوری کی اس دولت کے بارے میں جان سکیں۔

About MH Kazmi

Journalism is not something we are earning, it is the treasure that we have to save for our generations. Strong believer of constructive role of Journalism in future world. for comments and News yesurdu@gmail.com 03128594276

Connect

Follow on Twitter Connect on Facebook View all Posts Visit Website