counter easy hit

قائد اعظم کے دائیں پاﺅں پر پیدائشی نشان دیکھ کر ایک بزرگ نے کیا پیشگوئی کی تھی ؟ پڑھیے ایک حیران کن واقعہ

What did an elder foretell when he saw the birthmark on the right foot of the Quaid-e-Azam? Read a shocking event

کراچی (ویب ڈیسک )بانی پاکستان قائداعظم محمد علی جناح کی 71 ویں برسی آج ملک بھر میں عقیدت و احترام کے ساتھ منائی جارہی ہے تاہم اس موقع پر ہم آپ کو اس پیشگوئی کے بارے میں بتانے جارہے ہیں جو کہ قائداعظم محمد علی جناح کو بچپن میں دیکھ کر ایک بزرگ نے کی تھی جو کہ حرف بہ حرف درست ثابت ہوئی جنگ نیوز “ کی رپورٹ کے مطابق سوانح حیات جناح کری ایٹر آف پاکستان کے مصنف ’ہیکٹر بولیتھو‘ کے مطابق محمد علی جناح کے دائیں پاﺅں پر پیدائشی نشان دیکھ کر ایک بزرگ نے پیش گوئی کی تھی کہ یہ لڑکا بڑا ہوکر برصغیر کا بے تاج بادشاہ ہوگا، یہ پیش گوئی درست ثابت ہوئی اور انہوں نے انگریزوں سے مسلمانوں کے لئے سیاست کے ذریعے ایک علیحدہ ملک پاکستان حاصل کیا ۔ قائد اعظم محمد علی جناح کا پہلے پہل داخلہ ایک پرائمری اسکول میں کروایا گیا لیکن ننھے جناح کا زیادہ وقت کھیل میں گزرتا تھا۔ یہ سلسلہ بھی دو ماہ سے زیادہ نہ چل سکا۔ مسٹر اینڈ مسز جناح کی مصنف شیلا ریڈی‘ لکھتی ہیں کہ جناح بائی نے حکمت عملی تبدیل کی اور اس مرتبہ گھر سے تقریباً ایک میل دور سندھ مدرستہ الاسلام میں داخلہ کرایا تاکہ جناح مصروف بازار اور گنجان آباد محلے سے دور تعلیم حاصل کرسکیں۔قائد اعظم کی والدہ نے شرط رکھی کہ لندن جانے سے قبل محمد علی جناح کو شادی کرنا ہوگی۔ فاطمہ جناح اپنی کتاب’مائی برادر‘ میں لکھتی ہیں کہ اپنے فیصلے خود کرنے والے جناح نے شاید یہ پہلا اور آخری فیصلہ کسی اور کی مرضی سے کیاتھا۔ وہ اپنی ماں کا کہا نہیں ٹالتے تھے۔کاروباری رموز سیکھنے کی غرض سے لندن جانے والے جناح نے قانون پڑھا اور لنکن اِن سے سب سے کم عمر بیرسٹر ہونے کا اعزاز بھی حاصل کیا۔ اس کے بعد جو کچھ ہوا، وہ تاریخ کا حصہ ہے۔

About MH Kazmi

Journalism is not something we are earning, it is the treasure that we have to save for our generations. Strong believer of constructive role of Journalism in future world. for comments and News yesurdu@gmail.com 03128594276

Connect

Follow on Twitter Connect on Facebook View all Posts Visit Website