counter easy hit

صدر ٹرمپ امریکہ کا سب سے بڑا ۔۔۔۔۔۔۔ ہے ، نامور امریکی گلوکارہ ریحانہ نے شرمناک الزام عائد کر دیا

لاس اینجلس(ویب ڈیسک) امریکی صدر ڈونلڈ ٹرمپ اگرچہ اس بات سے انکاری ہیں کہ وہ نسل پرست ہیں، لیکن سفید فام نسل پرستی کے حوالے سے ان کے بیانات کی ایک تاریخ ہے اور بہت سارے لوگوں کا یقین ہے کہ ان کے انہی بیانات نے انہیں 2016 کا الیکشن جیتنے میں مدد کی اور وہ ایسےہی طریقے آئندہ انتخابات کے لیے بھی استعمال کرنا چاہتے ہیں۔ صدر بننے کے بعد انھوں نے میکسیکو سے ہجرت کر کے آنے والے لوگوں کے بارے میں کہا تھا کہ آپ نہیں جانتے کہ یہ کیسے لوگ ہیں، یہ انسان نہیں ہیں، یہ جانور ہیں۔‘ 2018 میں وائٹ ہاؤس میں ہونے والی ایک پرائیویٹ میٹنگ میں ٹرمپ نے سفید فام ممالک سے آنے والے مہاجرین کو ترجیح دیتے ہوئے اور ’ہیٹی‘ سے آنے والے افراد کی طرف اشارہ دیتے ہوئے کہا کہ ’ہم ایسے لوگوں کو کیوں رکھ رہے ہیں جن کا تعلق ایسے ممالک سے ہے جو گندگی کا ڈھیر ہیں۔‘ انہوں نے کہا کہ ’ہمیں ناروے جیسے ممالک سے آنے والے لوگوں کو امریکہ میں رکھنا چاہیے۔ ٹرمپ کے اس طرح کے بیانات اور حرکتوں پر تنقید کرتے ہوۓ امریکا کی معروف پاپ گلوکارہ ریحانہ نے ٹرمپ کو تنقید کا نشانہ بناتے ہوئے کہا ہے کہ سب سے بڑا ذہنی مریض امریکا کا صدر بن گیا ہے۔گلوکارہ ریحانہ نے ایک انٹرویو میں سیاہ فام کی جانب سے کی جانے والی فائرنگ اور اس کے نتیجے میں ہلاکتوں کے واقعے پر ڈونلڈ ٹرمپ کے احمقانہ بیان پر مزید رد عمل دیتے ہوئے کہا کہ یہ تباہ کن عمل ہے، لوگ قانونی طور پر خریدے گئے جنگی ہتھیاروں سے ہلاک ہورہے ہیں، یہ معمول کی عام بات نہیں اور نہ ہی اسے عام بات تصور کیا جانا چاہیے، حقیقت یہ ہے کہ ٹرمپ نے جلد کی رنگت کی بنیاد پرتفریق کی ہے جو کہ لوگوں کے منہ پر ایک طمانچہ ہے۔ریحانہ نے ٹرمپ پر تنقید کرتے ہوئے کہا یہ بھی کہا کہ یہ مکمل طور پر ایک نسل پرستانہ عمل ہے اسی ہتھیار کے ساتھ کسی عرب شخص کو اسی وال مارٹ میں کھڑا کردیں اس پر ٹرمپ بیٹھے نہیں رہیں گے اور اسے عام حالات کی طرح دماغی خلل سے تعبیر نہیں کریں گے، دراصل امریکا کا سب سے بڑا ذہنی مریض امریکا کا صدر بن گیا ہے۔واضح رہے کہ رواں سال کی ابتداء میں سفید فام کی جانب سے اندھا دھند فائرنگ کے نتیجے میں کئی لوگوں کی ہلاکت پر ڈونلڈ ٹرمپ نے واقع کو بزدلانہ کارروائی قرار دیا تھا جس پر گلوکارہ نے اپنی ٹویٹ میں تنقید کرتے ہوئے کہا کہ تھا کہ ڈونلڈ ٹرمپ کو اس واقع کو دہشت گردی قرار دینا چاہیے۔

USA, SINGER, REHANA, DECLARED, TRUMP, AS, BIGGERST, AMERICAN

About MH Kazmi

Journalism is not something we are earning, it is the treasure that we have to save for our generations. Strong believer of constructive role of Journalism in future world. for comments and News yesurdu@gmail.com 03128594276

Connect

Follow on Twitter Connect on Facebook View all Posts Visit Website