پیرس؍اسلام آباد(ایس ایم حسنین) پاکستان فیسٹول فرانس کمیٹی کے نائب صدر عمیر بیگ نے یس اردو نیوز کیساتھ خصوصی گفتگو کرتے ہوئے واضح کیا کہ پاکستان فیسٹول فرانس پاکستان میں پاکستانی ثقافت کے نمایاں پہلو اجاگر کرنے اور کمیونٹی کو ایک تعمیری تفریح مہیا کرنے کیلئے ترتیب دیا گیا ہے۔ یہ فیسٹول فرانس میں پاکستانی کمیونٹی بہت منظم انداز میں ہر سال منعقد کرتی آرہی ہے اور اس حوالے سے پیرس کی سٹی گورنمنٹ اور فیسٹول کمیونٹی تمام انتظامات دیکھتی ہے ۔ فیسٹول کے حوالے سے کوئی فنڈ ریزنگ زیر غور نہیں کچھ لوگ زلزلے کا بہانہ بنا کر کمیونٹی سے پیسے بٹورنے کیلئے گمراہ کن پوسٹرز کی تشہیر کر رہے ہیں۔ اس حوالے سے حکومتی قانون حرکت میں آچکا ہے۔
پیرس کی پاکستانی وکشمیری کمیونٹی سے درخواست ہے کہ کسی بھی قسم کی فنڈ ریزنگ یا مالی معاملات کے حوالے سے کوئی دوسری تنظیم یا ادارہ پاکستان فیسٹول کے حوالے سے فنڈ مانگے تو فوراً پاکستان فیسٹول کمیٹی سےرابطہ کریں۔