مقبوضہ کشمیر میں قابض بھارتی فوج نے ریاستی دہشت گردی کا مظاہرہ کرتے ہوئے مزید 2 کشمیریوں کو شہید کردیا۔
Two Kashmiris martyred by Indian army firing
کشمیر میڈیا سروس کے مطابق بھارتی فورسز نے سرچ آپریشن کے نام پر ضلع پلواما کے علاقے بہامنو میں ایک گھر کا محاصرہ کیا جس کے بعد وہاں موجود 2 نوجوانوں کو فائرنگ کر کے شہید کردیا۔ بھارتی فوج کی گولیوں سے جاں بحق ہونے والے نوجوانوں کی شناخت کفایت اور جہانگی کے ناموں سے ہوئی ہے جب کہ مقامی پولیس کے ترجمان نے دعویٰ کیا ہے کہ نوجوان فائرنگ کے تبادلے میں مارے گئے ہیں۔ دوسری جانب بھارتی فورسز کی بربریت کے خلاف وادی کے مختلف علاقوں میں لوگ سڑکوں پر نکل آئے اور قابض فوج کے خلاف شدید نعرے بازی کی جس کے جواب میں قابض فوج نے مظاہرین کو منتشر کرنے کے لئے پیلٹ گن کا استعمال کیا۔ کشمیر میڈیا سروس کے مطابق کئی مقامات پر مظاہرین اور بھارتی فورسز کے درمیان جھڑپیں بھی ہوئیں جب کہ ضلع بارمولا کے علاقے پٹن میں بھارتی فوج کی گاڑی نے کنٹریکٹر غلام حسن راشی نامی شخص کو کچل دیا۔
About MH Kazmi
Journalism is not something we are earning, it is the treasure that we have to save for our generations. Strong believer of constructive role of Journalism in future world. for comments and News yesurdu@gmail.com 03128594276
