سرائے عالمگیر(نمائندہ خصوصی) میاں برادران نے ہمیشہ ذاتی مفاد سے ہٹ کر قومی مفاد سامنے رکھ کر فیصلے کیے ہیں جس کے ثمرات آج عوام کو ملنے شروع ہو چکے ہیں ان خیالات کا اظہار مسلم لیگ ن سرائے عالمگیر کے راہنما سید توصیف حیدر عرف شانی شاہ نے اپنے بیان میں کیا انہوں نے کہاکہ مسلم لیگ ن اور افواج پاکستان کی ترقی اورخو شحٓالی کے نقطے پر متفیق ہیں پاک افواج ملی دفاع کی بھرپور صلاحیت رکھتی ہے اور دشمن کو کسی بھی غلط حرکت کا منہ توڑ جواب دینے کو تیار ہیں دشمن کو ماضی کی طرح ناکامی ہوگی انہوں نے کہاکہ آج پاک فوج ملک دشمن عناصر کے خلاف گھیرا تنگ کر چکی ہے دہشتگرد بھاگنے کے راستے تلاش کر رہے ہیں ایسے حالات میں آصف زرداری +الطاف حسین ایکہ اور پاک فوج کے خلاف بیان بازی ملکی مفاد میں نہیں ایسی باتیں ملکی ترقی روکنے کی سازش ہے ہم سیاستدانوں کو بتانا چاہتے ہیں کہ اب ملکی ترقی کا پہیہ چل چکا ہے مخالفین اپنے مشن میں کامیاب نہیں ہونگے کیونکہ عوام جانتے ہیں کہ ایک را کا ایجنٹ ہے دوسرے کا ماضی کرپشن زدہ ہے اور ان کے بیانات کا مقصدذاتی بقا اور غیر ملکی ایجنڈے کی تکمیل کی ناکام کوشش ہے انہوں نے کہاکہ پاکستان مسلم لیگ ن پاکستان اور عوام کی ترقی پر کامل یقین رکھتے ہیں انشااللہ پاکستان کی ترقی کی منزل قریب ہے اور عوام بہت جلد خوشحالی کا دور دیکھیں گے۔