counter easy hit

ممنوع ادویہ اور پلاسٹک کے اعضا درآمد کرنے کی کوشش

 کراچی: پاکستان کسٹمزکے مختلف شعبوں نے مس ڈیکلریشن کے ذریعے درآمدی آٹو پارٹس اورممنوع ادویہ، پلاسٹک کے اعضا کی کلیئرنس ناکام بنادی۔ ذرائع نے ’’ایکسپریس‘‘ کو بتایا کہ پاکستان کسٹمز اپریزمنٹ ویسٹ کلکٹریٹ کے شعبہ اے آئی بی/آراینڈڈی نے گڈزڈیکلریشن میںغلط بیانی کے ذریعے آٹوپارٹس کنسائمنٹ کی کم ٹیکسوں کے عوض کلیئرنس حاصل کرنے کی کوشش پرمتعلقہ درآمدکنندہ کے خلاف مقدمہ درج کر لیا ہے۔

Try to import prohibited substances and plastic parts

Try to import prohibited substances and plastic parts

ذرائع نے بتایا کہ میسرزایان انٹرپرائززنے چین سے آٹوپارٹس کاکنسائمنٹ درآمدکیا جس کی کلیئرنس کے لیے درآمدکنندہ نے غلط بیانی سے کام لیتے ہوئے گڈزڈیکلریشن فائل کرتے وقت آٹوپارٹس کے بجائے مشینری پارٹس ظاہرکرکے کم مالیت کی ڈیوٹی وٹیکسوں کے عوض کلیئرنس حاصل کرنے کی کوشش کی لیکن کسٹمزاپریزمنٹ ویسٹ کلکٹریٹ کے شعبہ اے آئی بی/آراینڈڈی نے دوبارہ ایگزامنیشن کی توانکشاف ہواکہ کنسائمنٹ میں مشینری پارٹس کے بجائے آٹوپارٹس ہیں۔ واضح رہے کہ مشینری پارٹس پرکسٹمز ڈیوٹی و ٹیکسوں کی شرح کم ہے لیکن درآمدی آٹوپارٹس کیلیے ٹیرف زیادہ ہیں، اس کیس میں غلط بیانی کے ذریعے قومی خزانے کو 10 لاکھ روپے کاریونیو نقصان پہنچانے کی کوشش کی گئی تھی۔

درآمدی سطح پر بے قاعدگی کے ایک اور کیس میں پاکستان کسٹمز ایئرفریٹ یونٹ کراچی نے ملک میں درآمدہونے والی جنسی ادویہ اور پلاسٹک کے اعضا کی کلیئرنس کوناکام بناتے ہوئے مذکورہ کنسائمنٹ ضبط کرلیا۔ ذرائع نے بتایاکہ خرم انٹرپرائزز کی جانب سے چین سے 20 لاکھ روپے سے زائد مالیت کی جنسی ادویہ اور پلاسٹک کے اعضا درآمدکیے گئے جس کی کلیئرنس کیلیے مناسب موقع تلاش کیا جا رہا تھا لیکن کسٹمز ایئرفریٹ یونٹ پر تعینات افسران کوخفیہ اطلاع ملی کہ درآمدی جنسی ادویہ میں شامل گولیاں،کریم ،آئل اورپلاسٹک کے اعضا کی کلیئرنس کیلیے مناسب موقع تلاش کیاجا رہاہے۔

جس پرکسٹمزایئرفریٹ یونٹ کے افسران نے جیریز شیڈ میں دسمبر 2016 سے رکھے ہوئے مذکورہ کنسائمنٹ کے 13 کارٹنز کی ایگزامنیشن کی تو اس میں مذکورہ ممنوع اشیا موجود تھیں جسے فوری طور پرضبط کرلیا گیا۔ واضح رہے کہ جنسی ادویہ کی درآمدپر حکومت پاکستان کی جانب سے پابندی عائدہے۔ ذرائع نے بتایاکہ جیریز شیڈ میں دسمبر 2016 سے رکھے ہوئے اس کنسائمنٹ کا کوئی دعویدار نہیں آیا اس لیے مذکورہ کنسائمنٹ کو ضبط کرکے تحقیقات کی جا رہی ہیں تاکہ اصل مجرموں تک پہنچاجاسکے۔

About MH Kazmi

Journalism is not something we are earning, it is the treasure that we have to save for our generations. Strong believer of constructive role of Journalism in future world. for comments and News yesurdu@gmail.com 03128594276

Connect

Follow on Twitter Connect on Facebook View all Posts Visit Website