ٹرمپ نے قطر کو دہشت گردوں کا سہولت کار قرار دے دیا

امریکی صدر نے قطر کو دہشت گردوں کا پرانا سہولت کار قرار دیتے ہوئے کہاہے کہ قطر دہشت گردوں کی مالی معاونت چھوڑ دے ۔ادھرترک صدر نے کہتے ہیں ان کے علم میں نہیں کہ قطر نے کبھی دہشت گرد تنظیموں کی مدد کی ہو جبکہ سعودی عرب نے تمام ہوٹلوں اورفرنیشڈ اپارٹمنٹ میں قطری نیوز چینل پر پابندی لگا دیوائٹ ہائوس میں پریس کانفرنس کے دوران امریکی صدر ٹرمپ نے قطر کو دہشت گردوں کا پرانا سہولت کار قرار دیتے ہوئے قطر اور اس کے ہمسایہ ملک پر زور دیا کہ وہ دہشتگردی کے خلاف مزید اقدامات کریں۔ انہوں نے کہا کہ قطر کو دہشت گردوں کی مالی معاونت ختم کرنا ہوگی ۔اس سے قبل ٹرمپ اور مصر کے صدر عبدالفتاح السیسی کے درمیان فون پر بات چیت ہوئی۔

وائٹ ہاؤس کے مطابق دونوں رہنمائوں نے حال ہی میں ریاض میں ہونے والی کانفرنس میں دہشتگردی کے خلاف جنگ اور دہشتگردوں کی مالی معاونت ختم کرنے کے معاہدے پر عمل درآمد کی ضرورت پر بھی زور دیا ۔امریکی وزیر خارجہ ریکس ٹلرسن نے بھی سعودی عرب اور اس کے عرب اتحادی ممالک پر زور دیا ہے کہ وہ قطر کی ناکہ بندی میں نرمی کریں کیونکہ اس کے نتیجے میں نہ صرف ملک میں خوراک کی کمی اور انسانی بحران پیدا ہورہا ہے بلکہ دہشتگردی کے خلاف جنگ کے متاثر ہونے کا بھی خدشہ ہےامریکا میں متحدہ عرب امارات کے سفیر یوسف العتیبہ کا کہنا تھا کہ قطر کو دہشتگردوں کی معاونت اور اس حوالے سے پائی جانے والی تشویش کا اعتراف کرنا ہوگا اور متحدہ عرب امارات قطر کے معاملے پر امریکا کے ساتھ ہے ۔دوسری جانب ترکی کے صدر رجب طیب اردوان نے کہاہے کہ ان کے علم میں نہیں کہ قطر نے کبھی دہشت گرد تنظیموں کی مدد کی ہو ۔ انہوں نے مطالبہ کیا کہ قطر کی ناکہ بندی فوری طور پر ختم کی جائے ۔