اسلام آباد (ویب ڈیسک)سینرصحافی و اینکر پرسن محمد مالک نجی ٹی وی 92 نیوز سے کوچ کر گئے ہیں اور انہوں نے حال ہی میں لانچ ہونے والے نئے ٹی وی چینل’’ جی این این ‘‘نیوز کو جوائن کر لیا ہے ۔ تفصیلات کے مطابق معروف ویب سائٹ علی عمران جونیئرکی جانب سے دعویٰ کیا گیا ہے کہ محمد مالک نے 92 نیوز سے ہم نیوز میں پرواز کی تیاریاں مکمل کرلی ہیں۔ محمد مالک کچھ عرصہ پہلے لانچ ہونے والے چینل ہم نیوز کو بطور صدر جوائن کریں گے۔رواں ماہ کے آخری ہفتے میں محمد مالک کے صاحبزادے کی لاہور میں شادی ہے جس کی وجہ سے وہ ہولڈ پر ہیں ۔ اس فریضے سے فارغ ہوتے ہی وہ ہم نیوز پہنچ جائیں گے۔خیال رہے کہ محمد مالک 92 نیوز پر ’بریکنگ ویوز وِد مالک‘ کے نام سے پروگرام کر رہے ہیں جو اپنی نوعیت کا منفرد پروگرام ہے۔ ان کے اس پروگرام میں سیاستدانوں کو لڑوانے کی بجائے سینئر صحافیوں اور تجزیہ کاروں کو بطور مہمان مدعو کیا جاتا ہے۔ اس سے قبل محمد مالک ڈان نیوز میں بھی پروگرام کرتے رہیں جبکہ وہ پی پی دور میں ایم ڈی پی ٹی وی کے فرائض بھی سرانجام دے چکے ہیں۔ویب سائٹ کی جانب سے یہ بھی دعویٰ کیا گیا ہے کہ ہم نیوز کو اپنی لانچنگ کے بعد سے اب تک تقریباً ایک سال کے عرصے کے دوران 60 سے 70 کروڑ روپے کا نقصان ہوچکا ہے۔ محمد مالک اپنی ٹیم کے ہمراہ ہم نیوز کو جوائن کریں گے۔