بچوں اور بڑوں کے پسندیدہ سپر ہیروز کی بلاک بسٹر فلم سیریز ایکس مین جہاں بچوں سمیت بڑوں میں بے حد مقبول ہے وہیں اس کے کئی مداح بھی اس فلم سیریز سے منسوب کئی اشیا اپنے پاس جمع رکھنے کا خوب شوق رکھتے ہیں۔ امریکا سے تعلق رکھنے والا ایک شخص بھی ایکس مین کے سحر میں ایسا جکڑا ہے کہ اس نے اب تک 15 ہزار چار سو کریکٹرز اور ان سے منسوب کئی اشیا اپنے پاس جمع کر لی ہیں جس کے بعد اس کا نام گنیز بک آف ورلڈ ریکارڈ میں بھی درج کرلیا گیا ہے ۔ اس شخص کے پاس ایکس مین کریکٹرز کے ننھے ماڈلزاور اس کی تھیم پر مبنی کئی اشیا موجود ہیں جو وہ کئی سال سے اپنے پاس جمع کر رہا ہے۔