counter easy hit

دس دن تک لڑائی کی صلاحیت، بھارت نے 200 ارب کے معاہدے کرلئے

بھارت نے گزشتہ 2سے 3 ماہ کے دوران فرانس، روس اور اسرائیل سے 200 ارب روپے کے ہتھیاروں کے ہنگامی معاہدے کیے ہیں جس کا مقصد بھارت کی مسلح افواج کو مختصر وقت میں جنگ لیے بہتر طور پر تیار کرنا ہے۔

Ten days fighting ability, India has been 200 billion contract

Ten days fighting ability, India has been 200 billion contract

بھارتی اخبار ٹائمز آف انڈیا کی رپورٹ میں وزارت دفاع کے ذرائع کا حوالہ دیتے ہوئے انکشاف کیا گیا کہ معاہدوں کا مقصد اس بات کو یقینی بنانا تھا کہ بھارت کی مسلح افواج 10 روز تک شدید لڑائی کے قابل ہوسکے اور اسلحہ و گولہ بارود اور دیگر جنگی ہتھیاروں کے ختم ہوجانے کا خدشہ نہ ہو۔اخبار کے مطابق بھارتی فضائیہ نے 92 ارب بھارتی روپے کے 43 معاہدوں کو حتمی شکل دی جن میں سوکوئی 30 ایم کے آئی، میراج 2000ایس اور ایم آئی جی 29جنگی طیاروں کے لیے گولہ بارود اور پرزے شامل ہیں، اب معاملہ روایتی ہتھیاروں تک محدود نہیں رہے گا۔ اس کے علاوہ ان معاہدوں میں مال بردار طیاروں آئی ایل 76 ایس اور فضاء میں ایندھن بھرنے کے لیے استعمال ہونے والے آئی ایل 78 ایس اور فیلکن اے ڈبلیو اے سی ایس طیاروں کے سامان کی خریداری بھی شامل ہے۔ اس کے علاوہ بھارتی فوج نے ٹی 90 اور ٹی 72 ٹینک کے انجن اور گولہ بارود، کونکرز ٹینک شکن گائیڈڈ میزائلز اور اسمرچ راکٹس کی خریداری کے لیے روسی کمپنیوں کے ساتھ 58 ارب روپے کے 10 معاہدوں پر دستخط کیے۔ گزشتہ ہفتے بھارتی وزیر خزانہ ارون جیٹلی نے بھارت کا سالانہ بجٹ پیش کرتے ہوئے دفاعی بجٹ میں 10 فیصد تک اضافے کا اعلان کیا تھا۔ واضح رہے کہ ستمبر 2016 میں مقبوضہ کشمیر میں اڑی کے مقام پر بھاتی فوجی اڈے پر ہونے والے حملے کے بعد روس، فرانس، اسرائیل اور دیگر ممالک کے ساتھ ہونے والے نئے دفاعی معاہدوں پر پیش رفت کو بھی تیز کردیا گیا تھا۔

About MH Kazmi

Journalism is not something we are earning, it is the treasure that we have to save for our generations. Strong believer of constructive role of Journalism in future world. for comments and News yesurdu@gmail.com 03128594276

Connect

Follow on Twitter Connect on Facebook View all Posts Visit Website