Tablet, touch the display surface of a catheter Microsoft PC

ریڈمنڈ، واشنگٹن: مائیکروسوفٹ نے اپنا پہلا آل ان ون ٹچ اسکرین پرسنل کمپیوٹرفروخت کے لیے پیش کردیا۔

28 انچ چوڑے اس پی سی کو  ’’سرفیس اسٹوڈیو‘‘ کا نام دیا گیا ہے جس کی اسکرین بقول مائیکروسوفٹ دنیا کی باریک ترین اسکرین بھی ہے جو 20 درجے تک دیکھنے والا زاویہ فراہم کرتا ہے۔

اس میں ایک ڈائل کنٹرولر شامل کیا گیا ہے اور پاور اور پروسیسنگ کا نظام اس کی بیس میں رکھاگیا ہے۔ ڈائل کنٹرولر کو کی بورڈ، اسٹائلس، ماؤس کے ساتھ ہیپٹک فیڈ بیک کے لیے استعمال کیاجاسکتا ہے۔ یہ ورچول ریئلیٹی کی سہولیات بھی فراہم کرسکتا ہے۔

اس کا وسیع ٹچ اسکرین ایک بڑے وائٹ بورڈ اور ڈرائنگ بورڈ کی جگہ بھی استعمال ہوسکتا ہے جس سے کارکردگی اور تخلیقی عمل کو بڑھانے میں مدد مل سکے گی۔ کمپنی کے مطابق اسے کرسمس پر پیش کیا جارہا ہے لیکن پی سی محدود تعداد میں تیار کیا گیا ہے۔

Tablet, touch the display surface of a catheter Microsoft PC

ایل سی ڈی مانیٹر کی موٹائی صرف 12.5 ملی میٹر ہے جو اسے دنیا کا سب سے پتلا اسکرین بناتی ہے اور ڈسپلے میں 13.5 ملین پکسل ظاہر کرتا ہے جو یعنی فورکے ٹی وی سے بھی 63 فیصد زیادہ ہے۔ اسی کے ساتھ مائیکروسوفٹ نے سرفیس بک لیپ ٹاپ کا نیا ماڈل بھی متعارف کرایا ہے جس کی پروسیسنگ قوت دُگنی اور بیٹری 30 فیصد تک بڑھائی گئی ہے اور اس کے 3 ماڈلز کی قیمت 2 لاکھ 40 ہزارروپے سے زائد ہے۔ اس میں چھٹی جنریشن کا کور آئی سیون پروسیسر استعمال کیا گیا ہے۔کمپنی کے مطابق سرفیس بک کو مائیکروسوفٹ کے بہترین دماغوں نے تیار کیا ہے اوریہ گیم کھیلنے اور تخلیقی کام کرنے کے لیے بہت اہم ٹول ہے۔ اس موقع پر مائیکروسوفٹ نے 2017 میں آنے والی ونڈوز 10 میں پینٹ ایپ کے تھری ڈی ورژن کا اعلان بھی کیا جس کے ذریعے تھری ڈی اسکیچ باآسانی سے بنائے جاسکیں گے۔

اس کے علاوہ مائیکروسوفٹ نے اسمارٹ فون کے لیے ایک ایپ متعارف کرائی ہے جو کسی بھی شے کو تھری ڈی انداز میں اسکین کرسکتی ہے۔ مثلاً بکس، مکان اور کوئی اور شے اور اسے  کسی بھی تصویر کا حصہ بنایا جاسکتا ہے۔ کچھ ایسی ہی سہولت پاورپوائنٹ میں بھی پیش کی جارہی ہے جو آپ کو پریزنٹیشن کو تھری ڈی بناسکتی ہے۔