کراچی: نارتھ کراچی میں قرض خواہوں اور پولیس کے خوف سے تیسری منزل سے چھلانگ لگانے والا شخص دم توڑ گیا۔

Submerged in debt in Karachi citizen committed suicide seeing the police

کراچی کے علاقے نارتھ کراچی کا رہائشی کلیم مردم شماری ٹیم کے ساتھ پولیس اور رینجرز اہلکاروں کو دیکھ کر خوفزہ ہوگیا اور گھر کی تیسری منزل سے چھلانگ لگا دی، علاقے کے افراد نے اسے اسپتال پہنچایا تاہم وہ دم توڑ چکا تھا۔پولیس کا کہنا ہے کہ کلیم نامی شخص ٹرانسپورٹ کا کاروبار کرتا تھا اور اسے کاروبار میں خسارے کا سامنا تھا جب کہ  کلیم نے گزشتہ چند روز قبل  دوسری شادی بھی کرلی تھی جس کی وجہ سے گھریلو تنازعات بھی چل رہے تھے اور قرض خواہ بھی اپنی رقم کی وصولی کے لیے مسلسل دباؤ ڈال رہے تھے، بدھ کی صبح بھی کلیم کی چند افراد سے پیسوں کے تقاضے پر تلخ کلامی بھی ہوئی تھی اور انہوں نے اسے دھمکیاں بھی دی تھیں، واقعے کے کچھ ہی دیر کے بعد جب مردم شماری کی ٹیم علاقے میں پہنچی تو ان کے ساتھ اہلکاروں کو دیکھ کرخوفزدہ ہوگیا اورتیسری منزل سے چھلانگ لگادی جس کے باعث اس کی موت واقع ہوگئی۔