اللہ کریم کی مدد مظلوم کشمیریوں کیلئے آن پہنچی ہے، مقبوضہ کشمیرمیں گھر گھر میں لگی آگ ہندو بنئے کے گھر کو اپنی لپیٹ میں لے چکی ہے، زاہد ہاشمی

پیرس؍اسلام آباد(ایس ایم حسنین) فرزند کشمیر زاہد ہاشمی صدر انٹرنیشنل کشمیر پیس فورم فرانس نے پیرس میں میڈیا سے گفتگو کرتے ہوئے کہا کہ اللہ کریم نے مقبوضہ کشمیر کی مائوں بہنوں اوربیٹیوں کی آہوں اورسسکیوں پرغیبی امداد بھیجی ہے۔ انشااللہ بہت جلد مقبوضہ کشمیر کے مظلوموں کی آہیں اورسسکیاں بھارت اورانتہا پسند ہندوئوں کو نیست ونابود کرکے رکھ دیں گی۔

ان کا کہنا تھا کہ اللہ تبارک وتعالیٰ کی مدد سے  پوری دنیا میں مظلوم کشمیری عوام پر انتہا پسند بھارت کے جبر واستبداد کیخلاف آوازیں اٹھنا شروع ہوچکی ہیں۔ بھارت کے اندر جو آگ لگی ہے وہ مظلوم کشمیری مائوں بہنوں اوربیٹیوں کی ان آہوں اورسسکیوں کا نتیجہ ہے جو نصف صدی سے زاہد عرصہ سے کشمیر  سے اٹھ رہی ہیں۔ انشااللہ وہ دن دور نہیں جب مقبوضہ کشمیر کے عوام اللہ تعالیٰ کی مدد سے امن وامان کی زندگی گزاریں گے اور غاصب بھارت کے کئی سو ٹکڑے  دنیا کیلئے عبرت کا نشان بن جائیں گے۔