لاہور: دھیمے سروں کی ملکہ نیرہ نور کی آج 66 ویں سالگرہ ہے ۔ دھیمے لہجے کی مالک نیرہ نور پلے بیک سنگر غزل گائیک کے طور پر جانی جاتی ہیں ۔ نیرہ نور 1971 سے 2012 تک اپنی آواز کا جادو جگاتی رہیں ۔ نیرہ نور نے نامور شعراء مرزا اسد اللہ غالب ، ناصر کاظمی ، ابن انشاء اور فیض احمد فیض وغیرہ کا کلام نہایت دلکش انداز سے گایا ، نیرہ نور نے پاکستانی فلموں کیلئے بھی سیکڑوں گانے گائے ۔ ان کے مشہور گیتوں میں تیرا سایہ جہاں بھی ہو سجناں پلکیں بچھا دوں ، اے جذبہ دل گر میں چاہوں ہر چیز مقابل آ جائے ، روٹھے ہو تم تم کو کیسے منائوں پیا ، مجھے دل سے نہ بھلانا چاہے روکے یہ زمانہ ، اس پرچم کے سائے تلے ہم ایک ہیں ، بول ری گڑیا بول ذرا ، اے عشق ہمیں برباد نہ کر ، پھر ساون رت کی پون چلی تم یاد آئے ، جیسے شاہکار فن پارے شامل ہیں ۔