شیخوپورہ، مینجنگ ایڈیٹر یس اردو نیوز قاری فاروق احمد فاروقی اپنے دیرینہ دوست جناب رائو منیر احمد ضیا (ایس ایس پی) پرنسپل پولیس ٹریننگ سکول کی خصوصی دعوت پر شیخوپورہ پہنچے ۔ جہاں رائو منیر احمد ضیا کی طرف سے ان کی رہائش گاہ پر ان کا والہانہ استقبال کیا گیا اور ان کے اعزاز میں پرتکلف ظہرانے کا انتظام کیا گیا جس میں کرنل ندیم صاحب, ڈاکٹر پروفیسر خورشید عالم صاحب۔ رانا عرفان صاحب,۔رانا لیاقت صاحب۔ایم-پی۔اے,رانا وحید صاحب۔ایم-پی۔اے کے علاوہ دیگر سیاسی وسماجی شخصیات بھی مدعو تھیں۔ اس موقع پر دیرینہ دوستوں کے درمیان مختلف شعبہ زندگی کے متعلق گفتگو ہوئی اور اہم امور پر تبادلہ خیال بھی کیا گیا۔ مینجنگ ایڈیٹر قاری فاروق احمد فاروقی کا میزبان نے ظہرانے میں شریک دیگر مہمانوں کا تعارف کرایا اور قاری فاروق احمد فاروقی نے فرداً فرداً سب سے ملاقات کی اور ظہرانے کے دوران مختلف موضوعات پر تبادلہ خیال کیا جس میں پاکستان میں امن و امان کی دگرگوں صورتحال اور پولیس کو درپیش چیلنجز بھی شامل تھے۔ مینجنگ ایڈیٹر یس اردو نیوز قاری فاروق احمد فاروقی نے ظہرانے میں موجودصحافتی برادری سے بھی ملاقات کی اور ان کو دیار غیر میں موجود پاکستانیوں کے اپنے وطن کے بارے میں خدشات اور حالات پر تشویش سے بھی آگاہ کیا ۔ جس پر حاضرین نے ان کے خیالات سے اتفاق کیا اور میزبان جناب رائو منیر احمد ضیائ نے اس امید کا اظہار کیا کہ پاکستان میں حالات بتدریج بہتری کی طرف گامزن ہیں اور پولیس پہلے سے کہیں زیادہ فعال کردار ادا کر رہی ہے جس میں دہشتگردی پر قابو پانے کیلئے جدید طریقوں سے مدد لینا بھی شامل ہے۔
قاری فاروق احمد فاروقی نے تقریب کے بعد اپنے دوستوں اور حاضرین کے ساتھ الوداعی ملاقات کی اور ایک روز قیام کے بعد لاہور روانہ ہوگئے۔