Sheikhupura

شیخوپورہ : مانانوالہ میں کاؤنٹر ٹیررازم ڈپارٹمنٹ کی کارروائی کے دوران چھ دہشتگرد مارے گئے اور دو فرار ہو گئے۔

دہشت گردوں کی فائرنگ سے حساس ادارے کا ایک اہلکار زخمی ہو گیا، ہلاک دہشت گردوں کے قبضہ سے بھاری مقدار میں بارودی مواد اور اسلحہ بھی برآمد ہوا۔

قانون نافذ کرنے والے اداروں نے دہشت گردوں پر زمین تنگ کر رکھی ہے۔ کاؤنٹر ٹیررازم ڈیپارٹمنٹ اور مانانوالہ پولیس کو اطلاع ملی کہ لاگر گاؤں میں دہشت گرد شیخوپورہ اور ننکانہ میں دہشت گردی کا منصوبہ بنا رہے ہیں۔

حساس اداروں اور پولیس نے شرپسندوں کی کمین گاہوں پر چھاپہ مارار تو دہشت گردوں نے فائرنگ کر دی جس سے ایک اہلکار زخمی ہوگیا ۔ جوابی کارروائی میں 6 دہشت گرد مارے گئے جبکہ 2 فرار ہو گئے۔

ہلاک دہشت گردوں کے قبضہ سے بھاری مقدار میں بارودی مواد اور اسلحہ بھی برآمد ہوا، دہشت گردوں کی لاشوں کو شیخوپورہ ڈیڈ ہائوس منتقل کر دیا گیا، فرار ملزموں کی گرفتاری کے لیے سرچ آپریشن جاری ہے۔