Shahbaz Sharif departed from Lahore to London for clerics of Begum Kalsoom Nawaz

وزیر اعلیٰ پنجاب شہبازشریف بیگم کلثوم نواز کی عیادت کیلئے لاہور سے لندن روانہ ہوگئے۔ شہباز شریف منگل کی صبح اولڈ ائرپورٹ کے راستے علامہ اقبال انٹرنیشنل ائر پورٹ پہنچے تو وہاں موجود چیف سیکرٹری پنجاب اور دیگر افسران نے ان کا استقبال کیا اور وزیر اعلیٰ پنجاب کو الوداع کہا۔ شہبازشریف لاہور سے لندن جانے والی پی آئی اے کی پرواز 757 کے ذریعے لندن روانہ ہوئے، وزیر اعلیٰ پنجاب کے ہمراہ ان کے پرسنل سیکرٹری بھی موجود تھے۔ شہبازشریف لندن میں اپنی بھابھی کلثوم نواز کی عیادت کریں گے اور مسلم لیگ ن لندن کے رہنماؤں سے ملاقاتیں بھی کریں گے۔ خیال رہے عوامی مسلم لیگ کے سربراہ شیخ رشید بھی لندن کیلئے پرواز کر گئے، نوازشریف اور حمزہ شہباز پہلے ہی لندن میں موجود ہیں جبکہ عمران خان نے بھی 9 ستمبر کی ٹکٹ کٹوا لی، پارٹی رہنما نعیم الحق اور فواد چوہدری کپتان سے پہلے ہی لندن پہنچ چکے ہیں۔