مسلم لیگ ق کے مرکزی راہنما  اورسابق ضلع ناظم چوہدری شفاعت حسین کا دورہ پیرس ، پیرس کی ممتاز سیاسی وکاروباری شخصیت راجہ مظہر ذمہ واریہ کا شاندار عشائیہ کا اہتمام

پیرس (نمائندہ خصوصی) گجرات کی سیاست کے سرخیل مسلم لیگ ق کے مرکزی راہنما چوہدری شفاعت حسین جو ان دنوں پیرس کے دورے پر ہیں ۔ اس دوران انہوں نے مسلم لیگ ق فرانس کے سرکردہ راہنمائوں سے ملاقاتیں بھی کی ہیں ۔

مسلم لیگ ق فرانس کے مرکزی راہنما اور پیرس کے ممتاز بزنس مین راجہ مظہر ذمہ واریہ نے ان کے اعزاز میں شاندار عشائیہ کا اہتمام کیا ۔ اس موقع پر پیرس کی معروف سیاسی وسماجی اورصحافتی شخصیات شریک ہوئیں۔

راجہ مظہر ذمہ واریہ نے چوہدری شفاعت حسین سے پاکستان کمیونٹی کے دوست احباب اور ممتاز سماجی راہنمائوں سے تعارف کرایا۔ عشائیہ میں شریک سیاسی وسماجی راہنمائوں نے چوہدری شفاعت حسین کو پیرس دورے پر مبارکباد پیش کی۔

اس موقع پر راجہ مظہر ذمہ واریہ نے کہا کہ ہوئے کہا کہ چوہدری برادران کے بغیر پاکستانی سیاست نامکمل ہے ۔ چوہدری شفاعت حسین کی سیاست کا انداز انتہائی سشتہ اور قابل تقلید ہے ۔ انہوں نے مسلم لیگ ق کی حکومت کی طرف سے بہترین اصلاحات متعارف کرانے اور دوبارہ پنجاب کی سیاست میں واپسی کو پنجاب کی عوام کی خوش قسمتی قرا ر دیا۔

چوہدری شفاعت حسین نے پاکستانی کمیونٹی کے جذبے کی تعریف کی اور ان کی طرف سے ملکی صورتحال اور سیاست کے متعلق کہا کہ وہ اوورسیز پاکستانیوں کے جذبے کو قدر کی نگاہ سے دیکھتے ہیں ۔ انہوں نے کہا کہ شرکا نے جس طرح قیمتی آرا سے نوازا اس سے اندازہ ہوتا ہے کہ ملک میں ہوں یا بیرون ملک پاکستانی کس قدر اپنے وطن کے ساتھ والہانہ عقیدت رکھتے ہیں ۔ یہ بلاشبہ پاکستان کا طرہ امتیاز ہے کہ ہمارے پاکستانی اس قدر درد دل رکھنے والے اور ہر لحاظ سے دنیا میں بہترین قوم کہلانے کے لائق ہیں ۔ انہوں نے کہا کہ قومی یکجہتی اور قومی مفاہمتی آرڈیننس کے موجد سابق وزیراعظم چوہدری شجاعت حسین ہیں جو کہ پاکستان کی تاریخ کی بہترین حکمت عملی تھی آج بھی اگر اس پر عمل کا جائے تو ملک کو ترقی کرنے سے کوئی نہیں روک سکتا۔