حکومت کی آدھی کابینہ خور کرپشن میں ملوث مگر وزرا چور چور کے نعروں کے علاوہ کچھ نہیں کرسکتے، قاری فاروق احمدفاروقی

پیرس/اسلام آباد(ایس ایم حسنین) پاکستان پیپلز پارٹی فرانس کے مرکزی راہنما قاری فاروق احمد فاروقی نے کہا ہے کہ حکومت کی آدھی کابینہ کرپشن زدہ اور عدالتوں میں مقدمات کا سامنا کر رہی ہے اور عوام کو چورچور کے نعروں پر بہلا رہی ہے ۔

انہوں نے کہا کہ عوام بھوک سے مررہے ہیں اور وزراء چور ڈاکو کے نعرے لگانے میں مصروف ہیں ،نیب کو صرف اپوزیشن ہی نظر آتی ہے حکومت کے عہدیدار آنکھ کھولتے ہی اپوزیشن کے خلاف پریس کانفرنس شروع کردیتے ہیں ، ان وزراء کی اپنی کارکردگی کیا ہے ۔

انہوں نے کہا کہ جس حکومت میں مہنگائی اور چوربازاری کو روکنے کے بجائے اسے وقت کی ضرورت سمجھا جائے اس سے عوام کیا توقع کرے گی وہ پانچ سال بھی گزار لیں تو بھی عوام کو کچھ نہیں دے سکتے۔ بھارتی قرضے، شرح سود میں اضافہ تمام ایسی سرگرمیاں ہیں جو تباہی کا باعث ہیں اور موجودہ حکومت میں پاکستان کی تباہ حال معیشت کو آنے والے سالوں میں بھی مفلوک الحال رکھنے کیلئے عالمی طاقتوں کی ایمائ پر موجودہ حکومت نے انتظام کردیا ہے ۔

انہوں نے کہا کہ حکومت اتنا ظلم کرے جتنا بعد میں برداشت کرسکے ۔