کراچی (ویب ڈیسک) پاکستان تحریک انصاف کے رہنما اور ٹی وی اینکر ڈاکٹرعامر لیاقت حسین نے دعویٰ کیاہے کہ وزیراعظم عمران خان ان کے ولیمے کی تقریب کی میزبانی کریں گے ۔ یہ دعویٰ عامرلیاقت حسین نے ایک مارننگ شو میں کیاجہاں وہ اپنی نئی نویلی دلہن طوبیٰ عامر کیساتھ شریک ہوئے تھے ۔اس دوران جوڑے نے اپنی محبت اور شادی کے بارے میں گفتگو کی ، طوبیٰ کاکہناتھاکہ وہ پانچ سال سے دوست ہیں اور ایک دوسرے پر اعتماد کرتے ہیں۔ اس کاکہناتھاکہ عامرلیاقت مثبت سوچ کا حامل ہے اور تھکے بغیر مسلسل 33,33گھنٹے کام کرسکتاہے ۔اس موقع پر عامرلیاقت کا کہناتھاکہ مستقبل میں طوبیٰ فلم اور ڈرامہ انڈسٹری جوائن کرسکتی ہے اور میں انڈسٹری کو یہ شاندار چہرہ دینے جارہاہوں۔عامرلیاقت حسین نے یہ بھی دعویٰ کیاکہ میرے ولیمے کی تقریب کی میزبانی وزیراعظم عمران خان کریں گے اور وہ اس شادی پر بہت خوش ہیں۔