پیپلز پارٹی کے چیئرمین بلاول بھٹو زرداری نے کہا ہے کہ ن لیگ کھلم کھلا عوام دشمنی پر اتر آئی ہے، تیل کی قیمتیں فوری طور پر آدھی کی جائیں ورنہ احتجاج ہوگا۔پٹرولیم مصنوعات کی قیمتوں میں اضافے پر اپنے ردعمل میں بلاول بھٹو نے کہا کہ نئے سال پر عوام پر مہنگائی کا بم گرایا گیا۔ایک بیان میں بلاول بھٹو نے کہا کہ حکمران معصوم عوام کا خون چوس رہے ہیں، پیپلز پارٹی ن لیگ کی طرف کیے گئے معاشی حملے کا مقابلہ کرے گی۔ان کا مزید کہنا تھا کہ مہنگائی آسمان چھو رہی ہے اور اس کے ذمہ دارشریف برادران ہیں، تیل کی قیمتیں فوری طور پر آدھی کی جائیں ورنہ احتجاج ہوگا۔