فرانس  سلوواکیا کے سائیکلسٹ پیٹر ساگن نے فرانس میں سائیکلنگ چیمپئن شپ جیت لی ہے، ریس میں سوئس سائیکل سوار نے دوسری جبکہ نیدر لینڈز کے رائیڈر نے تیسری پوزیشن پر قبضہ جمایا۔

فرانس میں سائیکلنگ چیمپئن شپ کا دلچسپ ایونٹ اختتام کو پہنچ گیا۔ آخری روز شرکا کی شاندار کارکردگی دیکھنے کو ملی۔ ٹاپ سائیکل سوار ایک دوسرے پر سبقت لینے کیلئے محنت کرتے نظر آئے۔ اسی کوشش میں کچھ شرکا آپس میں ٹکرا بھی گئے۔

موجودہ عالمی چیمپئن پیٹر ساگن نے ریس کے آغاز سے ہی بہترین پرفارمنس دی، انہوں نے 257 کلومیٹرز کا فاصلہ 5 گھنٹے 54 منٹ اور چھ سیکنڈز میں طے کر کے پہلی پوزیشن حاصل کی، سوئٹزر لینڈ کے سیلوان دوسرے، نیدر لینڈز کے نِکی تیسرے نمبر پر رہے۔