اسلام آباد: دفتر خارجہ کی جانب سے جاری بیان میں کہا گیا ہے کہ پاکستان ہر قسم کی دہشتگردی کی بھرپور مذمت کرتا ہے۔
دفتر خارجہ نے افغانستان کے دارالحکومت کابل کے سفارتی علاقے میں ہونے والے بم دھماکے کی مذمت کرتے ہوئے کہا ہے کہ پاکستان ہرقسم کی دہشتگردی کی بھرپورمذمت کرتا ہے، غم کی اس گھڑی میں افغانستان کی عوام اورحکومت کے ساتھ کھڑے ہیں جب کہ پاکستان کی جانب سے دہشتگردی کے ناسورکوختم کرنے کے لیے پاکستان کی افغانستان کو تعاون کی یقین دہانی کرائی گئی ہے۔ واضح رہے کہ گزشتہ روزافغان دارالحکومت کے سفارتی علاقے میں بم دھماکے کے نتیجے میں کم ازکم 13افرادہلاک ہوگئے تھے۔
