Sheikh Khalid Al Ghamdi And Shahbaz Sharif Meating

لاہور (جیوڈیسک) امام کعبہ شیخ خالد الغامدی نے وزیر اعلیٰ شہباز شریف سے ملاقات کی ہے ، کہتے ہیں پاکستان اور سعودی عرب یک جان دو قالب ہیں ، وزیر اعلیٰ شہباز شریف کا کہنا ہے سعودی عرب کا احترام ہمارے دلوں میں ہے جس کا الفاظ میں بیان ممکن نہیں۔

امام کعبہ شیخ خالد الغامدی نے لاہور میں ایوان وزیر اعلیٰ میں شہباز شریف سے ملاقات کی ، امام کعبہ کی آمد پر وزیر اعلیٰ نے ان کا استقبال کیا ۔ شیخ خالد الغامدی نے ایوان وزیر اعلیٰ میں مختلف مکاتب فکر کے علماء سے بھی خطاب کیا۔

اس موقع پر ان کا کہنا تھا کہ پاکستان میں جو محبت ملی ہے اسے وہ بھول نہیں سکتے ، سعودی عرب کے عوام پاکستان کو اپنا گھر سمجھتے ہیں ، پاکستان اور سعودی عرب یک جان دو قالب ہیں۔ اس موقع پر وزیر اعلیٰ پنجاب شہباز شریف نے کہا سعودی عرب اور پاکستان کے تعلقات کسی سے ڈھکے چھپے نہیں ، سعودی عرب کا ہمارے دلوں میں احترام ہے ، جس کا الفاظ میں بیان ممکن نہیں۔ ایوان وزیر اعلیٰ میں مختلف مکاتب فکر کے علما نے امام کعبہ سے ملاقات بھی کی۔